"Həqiqətən də "Panatinaikos"un kim olduğunu hər kəs bilir. Ancaq biz birinci setdə qalib gəlsəydik, rəqibi “quru” hesabla məğlub edə bilərdik. Təəssüf ki, onların servislərdə yaxşı oynaması və bizim qəbulda zəif çıxışımız nəticəyə təsir etdi. Üçüncü setdə baş məşqçimiz fərqli sistem qurdu. Artıq 3 köşə oyunçusu ilə oynayırdıq. Hesabda önə də keçmişdik, lakin yunanların heyətində Ernandesin və digər servis atanların "ölü zona"ya top göndərməsi, demək olar ki, işimizi çox çətinləşdirdi. Nəticədə meydanı məğlubiyyətlə tərk etdik. Afinadakı ikinci matç çətin olacaq. Ordakı azarkeşlər çılğın olur. Bilirsiz ki, onlar bizə qarşı həmişə fərqli ab-havada hazırlaşırlar. Ümid edirəm ki, yaxşı oynayıb mərhələni keçəcəyik".