Noyabrın 16-da Azərbaycan millisi AÇ-2024-ün seçmə mərhələsində İsveçi 3:0 hesabı ilə darmadağın etdi.

Qarşılaşmada və oyun ətrafında baş verənləri diqqətinizə çatdırdıq. Oyun ərzində diqqətimizi cəlb edən bir məqam oldu. Meydanın kənarındakı elektron reklam bannerləri işləmirdi. Məsələ ilə bağlı redaksiyamıza maraqlı informasiya daxil olub. Qarşılaşmadan öncə həmin bannerlərdə problem çıxıb. Federasiya rəsmiləri bunu həll edə bilməyib.

Məcburiyyətdən oyun reklamlarsız keçirilməli olub. Təbii ki, AFFA rəhbərliyi məsələ ilə bağlı UEFA-nı məlumatlandırılıb. Lakin böyük ehtimal cəzadan qurtulmaq mümkün olmayacaq. Çünki Avropanın ali futbol qurumun tələbinə görə, AÇ-2024-ün rəsmi tərəfdaşlarının reklamları məşq zamanı, oyun ərzində həmin elektron bannerlərdə nümayiş olunmalıdı. Məhz bu səbəbdən də UEFA AFFA-nın 30-40 min avro cərimələyəcək.
Məsələ ilə bağlı federasiyanın rəsmi mövqeyini öyrənməyə cəhd etsək də, istəyimiz baş tutmadı.

İLKİN SULTANLI