AFFA-nın baş katibindən qeyri-adi cavab: “Bununla bağlı detallı məlumat vermək istəmirik”
Xəbər verdiyimiz kimi, “Sabah”ın Rusiyadan olan məşqçilər korpusunun Latviyaya daxil olmasıyla bağlı yaranan müəmmalı durum xoş sonluqla bitib.
"Football-plus.az" xəbər verir ki, AFFA-nın baş katibi Sərxan Hacıyevlə "bayquşlar"ın rəhbərliyinin Latviya Futbol Federasiya və UEFA ilə danışıqlarından sonra məsələ həllini tapıb.
Prosesin necə həll olunduğunu öyrənmək üçün hazırda Latviyada olan assosasiya rəsmisi ilə saxladıq. Sərxan Hacıyev məsələ ilə bağlı bunları söylədi:
"Hələlik bununla bağlı detallı məlumat vermək istəmirik. Bəli, çətinlik yaranmışdı. Həm "Sabah" rəhbərliyi, həm də AFFA olaraq biz UEFA ilə danışıqlar apardıq. Sonda məşqçilər heyəti ölkəyə daxil ola bildilər. Lakin Latviyadan geri dönəndən sonra detallı məlumat versək, daha yaxşı olar".
İLKİN SULTANLI
Digər xəbərlər
