Bildiyiniz kimi, AFFA Canni de Byazi ilə daha bir seçmə mərhələ müddətlik müqavilə imzalayıb.

Football-plus.az xəbər verir ki, italiyalı mütəxəssisin köməkçilərindən daha biri azərbaycanlı çalışdırıcı olacaq. AFFA 4-5 yerlidən ibarət siyahı hazırlayıb, 66 yaşlı məşqçiyə təqdim edəcək. Canni de Byazi hazırda Frankfurtda AÇ-2024 seçmə mərhələsinin püşkatma mərasimində iştirak edir. İtaliyalı çalışdırıcı Almaniyadan geri dönəndən sonra təqdim olunan siyahıdakı mütəxəssislərlə təkbətək görüşəcək və aralarından birini seçəcək.

Qeyd edək ki, Fabio Qallo De Byazinin köməkçisi vəzifəsindən ayrıldığı üçün AFFA İcraiyyə Komitəsi yeni məşqçinin azərbaycanlı olmasını çalışdırıcının qarşısına şərt qoyub.

KƏNAN HƏSƏNOV