“Qarabağ” noyabrın 9-da Avropa Liqasının H qrupunda növbəti oyuna çıxacaq.

“Köhlən atlar” bundesliqanın lideri “Bayer-04”ü qəbul edəcək. Tofiq Bəhramov adına Respublika stadionunda keçiriləcək oyunda ağdamlılar Almaniyadakı 1:5 hesablı məğlubiyyətin acığını çıxmağa çalışacaq.

Leverkuzen təmsilçisinin Bakıya səfər planı da bəllidi. Almanlar ölkəmizə noyabrın 8-də təşrif buyuracaq. Komanda Bakıya 22.45-də çatacaq. Burda belə başa düşülür ki, “Bayer-04”un paytaxtımızda məşqi və baş məşqçisinin mətbuat konfransı keçirilməyəcək. Leverkuzen təmsilçisi paytaxtdakı “JW Marriott Absheron” otelində məskunlaşacaq.
Almanlar oyunda dəstəksiz qalmayacaq. 200 azarkeş ölkəmizə təşrif buyuracaq. Leverkuzen təmsilçisi bununla bağlı “Qarabağ”a müraciət edib.

İLKİN SULTANLI