“Hətta darmadağın olduğumuz matçlarda da irəli atılırıq” – qələbədən sonra belə dedi
2-ci liqada dünən sensasiya qeydə alındı.
"Football-plus.az" xəbər verir ki, autsayder "Kürmük Qax” səfərdə "Sheki City"ni məğlub etdi. Bu, Qax təmsilçisinin mövsümdə ilk qələbəsidi. Qaxlılar indiyə qədər cəmi 1 xal toplamağı bacarmışdı. İlk qələbə ilə bağlı "Kürmük Qax"ın baş məşqçisi Telman Kərimov "Football-plus.az" saytına danışdı:
"Bildiyiniz kimi, yeni komandayıq. Qaxın 25 ildən çox idi komandası yox idi. Bu da istər-istəməz təcrübəsizliyə gətirib çıxarır. Heyətimizdə 25 futbolçu var. Onlardan 12-13 nəfəri 16-18 yaşlı oyunçular, qalanları isə təcrübəli futbolçulardı. Cavanlarla təcrübəlilərin vəhdətini təşkil etmişik. Şəki təmsilçisi üzərində qələbə üçün komandamda hər hansı dəyişiklik etmədim. Digər oyunlara çıxdığımız kimi çıxmışdıq. Qarşılaşmalarımıza nəzər yetirsəz, görərsiniz ki, sona qədər döyüşürük. Hətta darmadağın olduğumuz matçlarda da irəli atılırıq. Oyundan-oyuna komandam düzəlir, təcrübəmiz artır. Bu mövsüm qarşımıza 1-ci liqada qalmağı məqsəd qoymuşuq. Bacarsaq, gələn “futbol ili”ndə yuxarı yerlər uğrunda döyüşəcəyik. Sağ olsun, icra başçımız da bizim üçün əlindən gələni edir. AFFA-dan da dəstək alırıq. Onlara da minnətdaram. Son oyunda qələbədən sonra uğurumuzun davamını gətirməyə çalışacağıq".
ABDULLA İSMAYILOĞLU
Digər xəbərlər
