“Rizə futbol şəhəridi. Uzun illər superliqada oynayıblar. Qısa bir aranın ardından yenidən elitaya döndülər. Maraqlı nəticələri var. Sürpriz qələbələr və sürpriz məğlubiyyətlərlə üzləşirlər. Qaradənizin dalğaları kimi qeyri-sabitdilər. Amma belə futbol şəhəri olan komandalara qarşı oynamağı sevirik. Qarşıda bizi çətin dönəm gözləyir. Rizə səfərindən sonra gələn həftə “Kasımpaşa” ilə oyunumuz var. Ardından Münhenə yollanacağıq. Böyük ehtimalla ordan da birbaşa “Hatayspor”la səfər matçına gedəcəyik. Ümid edirəm ki, Rizə səfərində hakim qərarları yox, oyun müzakirə ediləcək. Güclü olan qalib gəlsin. Ötən mövsüm inandıq və fanatlarımıza “bayraqları hazırlayın” dedik. Bu mövsüm də eyni düşüncədəyik. Çempion “Qalatasaray“ olacaq. İndidən bayraqlar hazırlansın. “Bavariya” ilə oyunda söhbət təkcə 60-70 dəqiqə onlardan üstün oynamağımızdan getmir. Həmin müddətdə çoxlu qol imkanımız oldu. Dünya futbolunda da görürük ki, bəzən 28 faiz topa sahib olan komanda 72 faiz topa sahib olan komandanı məğlub edir. Futbolçularımız çox inamlı oynadı. Sadəcə, bəxt tərəfimizdə deyildi. Rəqib oyunun heç bir anında bizdən üstün oynamadı. Bildiyiniz kimi, dekabrda əzəli rəqibimiz və əbədi dostumuz “Fənərbaxça” ilə superliqada qarşılaşacağıq. Federasiya həmin oyundan 4-5 gün sonraya superkubok salıb. Biz “Fənərbaxça” ilə lap ertəsi gün də oynayarıq. Bu, bizi narahat etmir. Narahatlıq doğuran məqam başqadı. Biz ötən mövsüm 100 illik yubileyə görə “cümhuriyyətin yüzü “Qalatasaray” şüarı ilə yola çıxdıq. Başqaları kimi özümüzü cümhuriyyət elan etmədik. Cümhuriyyəti Atatürk qurub. Komandalar, şəxslər isə onun bir parçasıdı. İndi cümhuriyyətimizin 100 illik yubileyində nə üçün başqa ölkədə oynamalıyıq? Söhbət konkret bu ildən gedir. Təbii ki, superkuboku xaricdə keçirməyin bir çox üstünlükləri var. Amma mən “Qalatasaray”ın 2-ci başqanı kimi yox, adi bir tərəfdar kimi bu il superkubokun xaricdə oynanılmasını istəmirəm! 30 milyon azarkeşimiz də bu cür düşünür. Əminəm ki, “Fənər”lilər də mənimlə razılaşar. 100 illik yubileydə bu oyun mütləq Türkiyədə keçirilməlidi. Ankarada, Ərzurumda, Samsunda, hətta Kadıköydə də oynamağa razıyıq. O boyda 60-70 minlik “Atatürk Olimpiya” stadionumuz var. Yarıbayarıya hər iki komandanın azarkeşləri gəlsin. Cümhuriyyətimizin rəisi prezidentimiz də gəlsin. Qalibə kuboku məhz o təqdim etsin. Gələn il federasiya superkuboku harda keçirmək istəsə, canla-başla oynamağa razıyıq. Amma bu il bu oyun Türkiyədə olmalıdı. Məsələ oyunun Səudiyyə Ərəbistanında və ya Londonda keçirilməsində deyil. Bilirəm ki, bu mövzu ölkə prezidentinə aid deyil. Amma onun da bu məsələyə əl atacağına ümid edirik. Nə qədər gec deyil, federasiya bu yanlışlıqdan dönməli və qərarını dəyişməlidi”.