“Ayaks”da çoxdan gözlənilən istefa rəsmiləşib.

"Football-plus.az" xəbər verir ki, Niderland klubu baş məşqçi Moris Steyn ilə yolları ayırıb.

Tərəflər müqaviləyə qarşılıqlı razılaşma əsasında xitam veriblər. Müqavilənin müddəti 2026-cı ilin yayına qədər idi. “Ayaks” hazırda Niderland çempionatının turnir cədvəlində 17-ci yerdədi. Komanda 7 oyuna yalnız 5 xal qazana bilib. Bu isə amsterdamlıların ölkə çempionatında ən uğursuz startıdı. Steynin səlahiyyətlərini müvəqqəti olaraq 38 yaşlı Xedviqes Maduro yerinə yetirəcək.