Bu gün Misli premyer-liqasının 27-ci turuna start verilib. İlk oyun günündə iki qarşılaşma baş tutub.

"Football-plus.az" xəbər verir ki, görüşlər “CBC Sport” telekanalı vasitəsiylə canlı yayınlanıb.

Misli premyer-liqası
3-cü dövrə, 27-ci tur
15 mart
Sumqayıt – Qarabağ 0:6
Leandro Andrade 7, 49, Musa Qurbanlı, 12, 45+4, Abdullah Zubir, 21, Redon Cica, 87
“Sumqayıt”ın bu rəqiblə ev oyunlarının balansı: 20:+2=4-14, 8:41.
* - texniki nəticə top fərqinə nəzərə alınmayıb.
2011/12 – 0:0; 2012/13 – 1:6; 2013/14 – 0:3, 1:0; 2014/15 - *, 1:2; 2015/16 – 1:0, 0:2; 2016/17 – 0:2, 0:4; 2017/18 – 1:1, 0:1; 2018/19 – 0:2, 0:6; 2019/20 – 2:1; 2020/21 – 2:2, 0:0; 2021/22 – 0:4, 0:3; 2022/23 – 0:2.
Cəzalı: yoxdu.
“Futbol+”in proqnozu: 20-30-50.
Sumqayıt. “Kapital Bank Arena”. Saat 18.00

Autseyderlə lider arasındakı görüş böyük maraq doğurur. Samir Abasov “Qarabağ”ı büdrətməyə çalışacaq. Amma bu o qədər də asan deyil. “Köhlən atlar” 3-cü dövrəni də məğlubiyyətsiz başa vurmaq fikrindədi. Amma Sumqayıt səfərində bu baş verməsə, sensasiya sayılmayacaq. Çünki “kimyaçılar” qələbə qazanaraq təhlükəli zonadan uzaqlaşmağın planlarını cızır.

Ümumiyyətlə, komandalar indiyə kimi 41 dəfə üz-üzə gəlib. Bu görüşlərin 5-də sumqayıtlılar, 31-də ağdamlılar qələbə qazanıbsa, 5-də qalib müəyyənləşməyib. Topların nisbətində də “köhlən atlar” öndədi – 96:19.

Zirə - Sabah 0:2
Davit Volkov 52, Coy Lens Mikels, 62
“Zirə”nin bu rəqiblə ev oyunlarının balansı: 9+2=3-4, 9:13.
2018/19 – 0:2, 0:2; 2019/20 – 1:1, 2:0; 2020/21 – 0:2, 2:2; 2021/22 – 1:1, 2:0; 2022/23 – 1:3.
Cəzalı: yoxdu.
“Futbol+”in proqnozu: 30-30-40.
Zirə. İdman Kompleksi. Saat 19.30

Paytaxt derbisi olduqca maraqlı keçəcək. “Zirə” xal itkilərini “sığortalamaq” istəyir. “Sabah” isə çempionluq mübarizəsindən qopmağı düşünmür. Oyun keyfiyyətini nəzərə alsaq, Murad Musayevin komandası üstün görünür. Lakin qəsəbə klubunun da qələbəsi sensasiya sayılmayacaq. Komandalar Azərbaycan çempionatlarında 17 dəfə münasibətləri aydınlaşdırıb. Bu görüşlərin 4-də “Zirə”, 8-də “Sabah” qələbə qazanıb, 5-də isə qalib müəyyənləşməyib. Topların nisbətində də “bayquşlar” öndədi – 26:21.