Bu gün Misli premyer-liqasının 26-cı turu başlayıb.

"Football-plus.az" xəbər verir ki, ilk oyun günündə iki qarşılaşma baş tutub.

Misli premyer-liqası

3-ci dövrə, 26-cı tur
10 mart
Kəpəz - Zirə 1:1
Fərid Nəbiyev, 38 - Hamidu Keyta, 83-p.
“Kəpəz”in bu rəqiblə ev oyunlarının balansı: 7:+3=2-2, 7:6.
2015/16 - 1:1, 2:0; 2016/17 - 2:0, 1:0; 2017/18 - 0:3, 0:0. 2022/23 – 1:2.
Cəzalı: Abdullahi Şuaybu (Kəpəz).
“Futbol+”in proqnozu: 30-30-40.
Gəncə. Şəhər stadionu. Saat 15.00

“Zirə” 5 illik fasilədən sonra Gəncəyə yollanır. Bu komandalar arasında ilk dövrədəki matç “Dalğa Arena”da baş tutmuşdu. Əvvəlcədən görüşün gərgin olacağını söyləyə bilərik. “Kəpəz” autsayderlər qrupundan uzaqlaşmaq üçün xal və ya xallar qazanmalıdı. “Zirə” isə Konfrans Liqasına vəsiqə qazanmağa çalışır. Bu şansı əldən verməmək üçün Gəncədə qələbə qazanmaq vacibdi. Komanda ötən tur doğma meydanda “Şamaxı” ilə heç-heçə edib və növbəti xal itkisinə yol vermək istəməyəcək. Məhz bu məqamı nəzərə alıb bakılıları görüşün favoriti saymaq olar.

Sabah - Sumqayıt 4:0
Coy Lens Mikels, 45, Aleksey Kaşuk, 75, Ceyhun Nuriyev, 86, Seymur Məmmədov, 90+2
“Sabah”ın bu rəqiblə ev oyunlarının balansı: 8:+2=3-3, 13:13.
2018/19 - 1:4, 1:1; 2019/20 - 1:3, 1:2; 2020/21 - 1:1; 2021/22 - 3:0, 2:2; 2022/23 – 3:0.
Cəzalılar: Aleksey İsayev, Anatoli Nuriyev (hər ikisi “Sabah”).
“Futbol+”in proqnozu: 45-35-20.
Bakı. “Bank Respublika Arena”. Saat 19.00

“Sabah” son turda “Kəpəz”i məğlub edərək özünə gəlib. Murad Musayevin komandası seriya yaxalamaq niyyətindədi. “Sumqayıt”da da işlər qaydasındadı. “Kimyaçılar” son turda “Səbail”ə qalib gələrək mövqeyini yaxşılaşdırıb. Sözsüz, qarşılaşma maraqlı keçəcək. Lakin oyunun aşkar favoriti “bayquşlar”dı.