“Mövsümə yaxşı hazırlaşırıq. Hazırda heyətimizdə üç legioner var. Yaxın zamanlarda daha bir əcnəbi oyunçu komandaya qoşulacaq. Hədəfimiz çempionluqdu. İlk turda qarşılaşacağımız “Murov Az Terminal” da güclü rəqibdi. Bu il çox maraqlı çempionat izləyəcəyik. Çünki həm komandaların saytı artıb, həm də daha çox legioner cəlb olunub. İnşallah, bütün kollektivlər üçün mövsüm uğurlu keçər”.

“Ölkə çempionatı ilk dəfə belə güclü olacaq. Bu komandalardan ən azı altısı yüksək hədəflər üçün oynayanlardı. İlk turda oynayacağımız “Azərreyl”in də iddiası böyükdü. Əvvəlcədən bu görüşün hansı hesabla bitəcəyini də deyə bilmərəm. Heyətimizə gəlincə, digər komandalara nisbətən bizim kollektiv əsasən millinin üzvlərindən ibarətdi. Elə oyunlar zamanı da yerlilər meydanda çoxluq təşkil edəcək. Qalan komandalarda legioner çoxdu. Əslində bu yaxşı addımdı. Çünki onlar liqamızın səviyyəsinin qalxmasına kömək olurlar. Biz də yeni komanda olsaq da, hədəfimiz finalda oynamaqdı”.

“Komanda kimi mövsümə hazırıq. Çempionatda zəif komanda yoxdu. Hamı eyni gücdədi. İlk turlar bəzi səhvlər olacaq. Bu da oyunçuların bir-birinə tam uyğunlaşmamasına görədi. Lakin irəlidə bunları da düzəldəcəyik. Hədəfimiz hər kəs kimi çempion olmaqdı. Birinci oyunumuzda qızıl medalların son sahibi “Murov Az Terminal”a qarşı oynayacağıq. Onlar da heyətini qorumağı bacarıb. Əminəm ki, bu mövsüm çox maraqlı çempionat izləyəcəyik”.

“Demək olar ki, ötən mövsümdəki heyətimizi qorumuşuq. Bilirsiz ki, son çempionuq. Bu il də hədəflərimiz yüksək yerlər uğurnda mübarizə aparmaqdı. Sadəcə, iki rəqibimizin oyununa bələdik. Heyətimizdə 7 yerli və 5 legioner var”.

“Yaxşı heyətimiz var. Hədəfimiz ölkə çempionu olmaqdı. İlk turda MOİK-lə oynayacağıq. Bu komanda haqda ətraflı məlumatım yoxdu. Sadəcə, səhv etmirəmsə, iki legionerləri var. Ancaq başqa rəqiblərimizi tanıyıram. Bu il həqiqətən də liqamız maraqlı olacaq”.