"Bildiyiniz kimi, "Ərgünəş" tarixi olan komandadı. Vaxtilə premyer-liqada da çıxış etmişik. Hazırda 2-ci liqada "Füzuli"nin oynaması da bizi sevindirir. Komandamıza kifayət qədər maliyyə yatırımı etmişik, stadion icarəyə götürmüşük, peşəkar futbolçular da cəlb etmişik. Məqsədimiz ən azı qrupdan çıxmaqdı. Bunun üçün əlimizdən gələni edəcəyik. Heyətimiz əsasən gənclərdən qurulub. Hətta bizdə 14 yaşlı futbolçu da yer alır. Həm adımıza layiq çıxış edib qrupdan çıxmaq, həm də potensialı olan gəncləri futbolumuza qazandırmaq istəyirik".

"Region Liqası yaranandan bu turnirdə iştirak edirik. Artıq 7-ci il olacaq ki, sabit şəkildə turnirdə çıxış edirik. Yeni “futbol ili”ndə daha əzmkar, mübariz oynayıb qrupdan çıxmaq istəyirik. Tədricən inkişaf edərək peşəkar liqalara çıxmaq istəyirik. 2-ci liqada oynamaq arzumuzdu. Ötən mövsümdəki heyəti saxlamaqla yanaşı, transferlər də həyata keçirmişik. Gələcəkdə işlərimiz uğurla həyata keçsə, maliyyə məsələlərimiz  yaxşılaşsa, daha yaxşı futbolçular, hətta legionerlər də cəlb etməyi düşünürük".

"Bildiyiniz  kimi, yeni yaradılan komandayıq. Həm Xaçmazda ilk yaranan komandayıq, həm də Region Liqasında debütantlardanıq. Şükürlər olsun ki, dayanıqlı maliyə məsələsini həll etdik. Ardınca ötən “futbol ili”ndə "Qusar"da oynayan məşqçi kimi çempion olan Tural Cəlilovu “sükan arxasına” gətirmişik. Tural müəllim "Şimal"da da oynayan məşqçi olacaq. Həmçinin "Qusar"dan bəzi futbolçuları da sıralarımıza qatmışıq. Amma komandanın özəyini Xaçmazdan və Xudatdan olan uşaqlar təşkil edəcək. Məqsədimiz yalnız komanda formalaşdırmaq yox, Xaçmazda potensialı gəncləri üzə çıxarmaq və futbolu bölgədə maksimum populyarlaşdırmaqdı. Komandamızın "Şimal" adlandırılması da bu niyyəti güdür. Biz Şimal bölgəsinə səs salmaq istəyirik. Xaçmaz camaatı arasında futbola maraq Qubadakından, Qusardakından heç də az deyil. Sadəcə, bu vaxta kimi klubumuz olmayıb. Region Liqasında qarşımıza qoyulan əsas məqsəd bir mövsüm yaxşı çıxış edərək təcrübə toplamaq, sonrakı illərdə isə çempion olmaqla 2-ci liqaya vəsiqə qazanmaqdı. İnanırıq ki, qarşımıza qoyulan hədəflərə çatacağıq".