“Füzuli"nin prezidenti olmağımla bağlı təklif gələn kimi tərəddüdsüz qəbul etdim. Əlimizdən gələni edəcəyik ki, doğma yurdumuzun yeganə komandasını inkişaf etdirək. Füzulidə daim futbol olub. Həm sovetlər dönəmində, həm də müstəqillik qazanandan sonra futbol çempionatlarında çıxış etmişik. Vaxtilə "Tufan", "Ərgünəş" kimi klublarımız olub. Həmçinin Füzulidən ölkə futboluna iz qoymuş Rauf Əliyev, Amit Quluzadə, hazırda "Neftçi"də çıxış edən Qara Qarayev və başqa futbolçularımız var. Futbol ənənələri olan "Füzuli"ni dirçəldəcəyik. Bütün füzulililər bir yerə toplaşaraq bu yolda əlimizdən gələni edəcəyik. Bildiyiniz kimi, yeni yaradılan 2-ci liqada çıxış edəcəyik. Artıq həmin liqanın püşkatması da keçirildi, rəqibimiz də bəllidi. Hansısa yeri tutmaq kimi hədəf yoxdu. Buna rəğmən, "Füzuli"nin adına uyğun çıxış edəcəyik. Məqsədimiz baxımlı oyunla ölkə futboluna rəng qatmaqdı".