"Vallah, biz AFFA-ya dəfələrlə müraciət etmişik. Artıq yorulmuşuq. Bir neçə gün öncə bir daha müraciət etdik. Məncə, bizdən çox futbol qurumuna müraciət edən yoxdu. Son sözləri belə oldu ki, gözləyin, avqustun 16-da aydınlıq gələcək. “Xeyirlisi” deyib gözləyirik. Bilirsiz ki, başlıca məqsədimiz Qazaxda futbolu ölməyə qoymamaqdı. Amma artıq Region Liqasından yuxarı çıxmaq istəyirik. Çünki həvəskar səviyyədə komanda tez-tez toplaşmır, futbolçuları, əsas da gəncləri qoruyub saxlamaq çətindi. İstədiyimiz məşqləri keçə bilmirik. Amma 2-ci liqaya çıxsaq, bir çox məsələdə inkişaf edəcəyik. Uşaq futbolunu dirçəltmək üçün də əlimizdən gələni edirik. Futbol məktəbimizə 110 uşaq cəlb etmişik. İstəyirik ki, fəaliyyətimizə qiymət, dəstək verilsin".