ABŞ çempionatının yüksək liqası sayılan MLS-də çıxış edən oyunçuların maaşı açıqlanıb.

"Football-plus.az" xəbər verir ki, bu haqda Futbolçuların Həmkarlar İttifaqı məlumat yayıb. Siyahıya “İnter Mayami”nin hücumçusu Lionel Messi başçılıq edir. Argentina millisinin kapitanının klubdakı birillik qazancı 20,45 milyon avroya bərabərdi. Zəmanətli gəlirə ilk ərzində müqavilələr üzrə bütün ödənişlər və bonuslar daxildi. Messinin əsas maaşının baza hissəsi isə 12 milyon dollardı. Bu, ABŞ liqası üçün rekorddu. Argentinalı MLS-dəki bütün digər oyunçulardan daha çox qazanır. “İnter Mayami”nin həmsahiblərindən olan Xorxe Masın bildirdiyinə görə, “Adidas”, “Fanatics” şirkətləri, Apple TV ilə müqavilələr və komandadakı payı Messiyə ildə ümumilikdə 50-60 milyon dollar qazanmağa imkan verəcək.

MLS-də ən çox maaş alan oyunçuların siyahısında 2-ci yeri 7,5 milyon dollar baza maaşı və 15,4 milyon dollar zəmanətli ödənişlə “Toronto”nun italiyalı yarımmüdafiəçisi Lorentso İnsinye, 3-cü yeri isə 8,15 milyon dollarla (7,35 milyon baza maaaşı) “Çikaqo”nun yarımmüdafiəçisi Cerdan Şakiri tutur.