“Bildiyiniz kimi, iddiaçı Tural Bayramlının cavabdeh “Səbail”ə qarşı iddia ərizəsi üzrə işə komitə baxdı. Oktyabrın 12-də verilən qərarla futbolçunun iddiası təmin olunmadı. Tural Bayramlı bildirir ki, klub tərəfindən onun müqaviləsinə birtərəfli qaydada xitam verilib. Bu səbəbdən də sözləşmənin ləğvi üzürsüz hesab edilsin və ona kompensasiya ödənilsin. Əlavə olaraq da kluba qarşı idman sanksiyasının tətbiqini tələb edirdik. Təəssüf ki, komitə iddianı bütünlüklə təmin etmədi. Bundan sonra nə edəcəyik? 15 gün ərzində AFFA-nın Apellyasiya Arbitraj Tribunalına şikayət etmək hüququmuz var. Bundan dərhal istifadə edəcəyik. Şikayətimiz də hazırdı. Ən qısa müddətdə bunu Apellyasiya Arbitraj Tribunalına ünvanlayacağıq. Onlar da istədiyimiz qərarı verməsə, hüququmuz var ki, İAM-a müraciət edək. Hesab edirik ki, mövqeyimiz tam doğrudu. Klub futbolçu ilə müqaviləyə üzürsüz səbəbdən birtərəfli qaydada xitam verib. Bu səbəbdən də futbolçulya kompensasiya ödənilməlivə “Səbail”ə idman sanksiyası tətbiq edilməlidi. Mübarizəni sona kimi davam etdirəcəyik. Bütün hüquqi-müdafiə vasitələrindən istifadə etməyə çalışacağıq. İstəyirik ki, Tural Bayramlının bütün pozulmuş hüquqları bərpa olunsun. Çünki Oyunçuların Statusu və Transferi Komitəsinin 12 oktyabr tarixli qərarı ölkədə qarşıdurma yarada bilər. Belə olan halda klublar bundan sui-istifadə edərək istədikləri vaxt oyunçularla müqavilələri ləğv edə bilərlər. Bu da futbolçuların hüquqlarının pozulmasına şərait yarada bilər. Ümid edirəm ki, AFFA Apellyasiya Arbitraj Tribunalı daha ədalətli qərar verəcək, işə düzgün şəkildə baxacaq. Qərarına nə olacağını indidən demək çətindi. Lakin biz mövqeyimizi sona kimi davam etdirəcəyik. Bütün vasitələrdən istifadə edərək oyunçunun pozulmuş hüququnun bərpasına çalışacağıq”.