“İrəvan”la bağlı qalmaqal gündən-günə böyüyür.

Futbolçular maaşlarını almadıqlarına görə məşqlərə çıxmırlar. Qərbi Azərbaycan təmsilçisi ilə bağlı redaksiyamıza daha bir maraqlı informasiya daxil olub.

“Football-plus.az” xəbər verir ki, 1-ci liqanın üzvü Asim Əlizadə dizindən zədələnib. Oyunçunun çarpaz bağlarında problem var, əməliyyat olunmalıdı. Bakıda bu prosesi həyata keçirən həkim yoxdu. Kimsə də bu riskə girirsə, sonda peşman olur. Ən yaxşı halda oyunçu əməliyyat üçün Türkiyəyə yollanmalıdı. Lakin “İrəvan” rəhbərliyi futbolçuya əməliyyatın Bakıda ediləcəyini bildirib. Yarımmüdafiəçi bununla razılaşmır. Komandanın digər üzvləri də yoldaşlarına dəstək olublar. Onlar Asimin əməliyyat olunmaq üçün Türkiyəyə göndərilməsini tələb edirlər.

İLKİN SULTANLI