AFFA İntizam Komitəsinin qərarları açıqlanıb.

"Football-plus.az" qurumun rəsmi saytına istinadən məlumatı təqdim edir.

Misli premyer-liqasının 9-cu turunun “Zirə” – “Turan Tovuz” oyununda “Turan Tovuz” azarkeşləri tərəfindən görüşün hakimlərinin ünvanına kütləvi şəkildə qeyri-etik ifadələr səsləndirildiyinə və bu hal mövsümdə ilk dəfə yaşandığına görə “Turan Tovuz” klubuna xəbərdarlıq edilir (maddə 43.7);

Misli premyer-liqasının 9-cu turunun “Sabah” – “Araz-Naxçıvan” oyununda “Sabah” klubunun azarkeşləri tərəfindən kütləvi şəkildə qeyri-etik ifadələr səsləndirildiyinə və bu hal mövsümdə ikinci dəfə yaşandığına görə “Sabah” klubu 500 manat cərimə edilir (maddə 43.7);

Misli premyer-liqasının 9-cu turunun “Sabah” – “Araz-Naxçıvan” oyunu bitdikdən sonra meydançaya kənar şəxslər daxil olduğuna görə “Sabah” klubu 800 manat cərimə edilir (maddə 51.2);

Misli premyer-liqasının 9-cu turunun “Sumqayıt” – “Kəpəz” oyununda “Kəpəz” klubunun 4 futbolçusu sarı vərəqə aldığına görə “Kəpəz” klubu 700 manat cərimə edilir (maddə 37);

Misli premyer-liqasının 9-cu turunun “Sumqayıt” – “Kəpəz” oyununda topdaşıyan rəqib künc zərbəsi başlayarkən topu kənara atdığına görə “Sumqayıt” klubu 1500 manat cərimə edilir (maddə 74.3);

Misli premyer-liqasının 9-cu turunun “Neftçi” – “Qarabağ” oyununun 83-cü dəqiqəsində “Neftçi” klubunun məşqçisi Sənan Qurbanov hakimin qərarına etiraz etdiyinə görə birbaşa qırmızı vərəqə aldığı üçün 1 oyun şərti olmaqla 2 oyun cəzalanır, “Neftçi” klubu 1500 manat cərimə edilir. Sınaq müddəti 3 ay təyin edilir (maddə 42.3, 32);

Misli premyer-liqasının 9-cu turunun “Neftçi” – “Qarabağ” oyunu bitdikdən sonra “Neftçi” klubunun məşqçisi Miodraq Todorov hakimin qərarına etiraz etdiyinə görə birbaşa qırmızı vərəqə aldığı üçün 1 oyun şərti olmaqla 2 oyun cəzalanır, “Neftçi” klubu 1500 manat cərimə edilir. Sınaq müddəti 3 ay təyin edilir (maddə 42.3, 32);

Misli premyer-liqasının 9-cu turunun “Neftçi” – “Qarabağ” oyununda fotoqraflar mövqelərini dəyişdiyinə və icazə verilməyən yerlərdən çəkiliş apardıqlarına görə “Neftçi” klubu 500 manat cərimə edilir (maddə 96);

Misli premyer-liqasının 9-cu turunun “Neftçi” – “Qarabağ” oyunundan sonra meydançaya kənar şəxslər daxil olduğuna görə “Neftçi” klubu 800 manat cərimə edilir (maddə 51.2);

Misli premyer-liqasının 9-cu turunun “Neftçi” – “Qarabağ” oyununda miks zona düzgün təşkil edilmədiyinə, stadionun tunelində insanlar çox olduğuna, həmçinin futbolçular avtobusa rahat daxil ola bilmədiyinə görə “Neftçi” klubuna xəbərdarlıq edilir (maddə 11);

Misli premyer-liqasının 9-cu turunun “Neftçi” – “Qarabağ” oyununda “Qarabağ” klubunun 27 nömrəli futbolçusu Toral Bayramovun formasının rəqəmləri fərqli olduğuna görə “Qarabağ” klubu 1000 manat cərimə edilir (maddə 75.4);

Misli premyer-liqasının 9-cu turunun “Neftçi” – “Qarabağ” oyununun 78-ci dəqiqəsində “Qarabağ” klubunun azarkeşləri tərəfindən kütləvi şəkildə rəqib komandanın ünvanına qeyri-etik ifadələr səsləndirildiyinə və bu hal mövsümdə ikinci dəfə yaşandığına görə “Qarabağ” klubu 500 manat cərimə edilir (maddə 43.7);

2-ci liqanın 6-cı turunun “Baku Sportinq” – “Şəmkir” oyunu qonaq komandanın formasında qüsurlar olduğuna görə 4 dəqiqə gec başladığı üçün “Şəmkir” klubu 80 manat cərimə edilir (maddə 75.6);

2-ci liqanın 6-cı turunun “Şahdağ Qusar” – “Kür-Araz” oyununda “Şahdağ Qusar” klubunun 5 futbolçusu sarı vərəqə aldığına görə “Şahdağ Qusar” klubu 70 manat cərimə edilir (maddə 37);

2-ci liqanın 6-cı turunun “Sheki City” – “Lerik” oyununun 73-cü dəqiqəsində “Lerik” klubunun 3 nömrəli futbolçusu Əflatun Məmmədov ikinci sarı vərəqədən qırmızı vərəqə aldığına görə 1 oyun cəzalanır, “Lerik” klubu 50 manat cərimə edilir (maddə 36.5);

2-ci liqanın 6-cı turunun “Qusar” – “Cəbrayıl” oyununda “Cəbrayıl” klubunun 4 futbolçusu sarı vərəqə aldığına görə “Cəbrayıl” klubu 70 manat cərimə edilir (maddə 37);

2-ci liqanın 6-cı turunun “Qusar” – “Cəbrayıl” oyununda “Qusar” klubunun nümayəndələri “A buraxılışı” vəsiqəsindən istifadə etmədiyinə görə “Qusar” klubu 50 manat cərimə edilir (maddə 51.8);

2-ci liqanın 6-cı turunun “Dinamo” – “Kürmük Qax” oyununda “Dinamo” klubunun 5 futbolçusu sarı vərəqə aldığına görə “Dinamo” klubu 70 manat cərimə edilir (maddə 37);

2-ci liqanın 6-cı turunun “Ağdaş” – “Füzuli” oyununda “Ağdaş” klubunun 5 futbolçusu sarı vərəqə aldığına görə “Ağdaş” klubu 70 manat cərimə edilir (maddə 37);

2-ci liqanın 6-cı turunun “Ağdaş” – “Füzuli” oyununun 83-cü dəqiqəsində “Ağdaş” klubunun 24 nömrəli futbolçusu Teymur Həbibov ikinci sarı vərəqədən qırmızı vərəqə aldığına görə 1 oyun cəzalanır, “Ağdaş” klubu 50 manat cərimə edilir (maddə 36.5);

2-ci liqanın 6-cı turunun “Ağdaş” – “Füzuli” oyunu bitdikdən sonra “Ağdaş” klubunun azarkeşləri tərəfindən meydançaya kənar əşya atıldığına görə “Ağdaş” klubu 80 manat cərimə edilir (maddə 52.1);

2-ci liqanın 6-cı turunun “Ağdaş” – “Füzuli” oyununda əvvəl “Ağdaş” klubu matçın ilkin protokolunu elektron sistemdə gec təsdiqlədiyinə görə “Ağdaş” klubu 100 manat cərimə edilir (maddə 91);

2-ci liqanın 5-ci turunun “Göygöl” – “Dinamo” oyununda “Göygöl” klubunun heyətində 25 nömrəli futbolçu Fərid Məmmədovun çıxış etməsi ilə bağlı “Dinamo” klubunun müraciəti haqqında qərar məsələnin daha detallı araşdırılması üçün növbəti iclasa saxlanılır.

Əvəzedicilər liqasının 9-cu turunun “Sumqayıt-2” – “Kəpəz-2” oyununun 59-cu dəqiqəsində “Kəpəz-2” komandasının 2 nömrəli futbolçusu Nicat Verdiyev qeyri-etik ifadə və ya hərəkətə görə birbaşa qırmızı vərəqə aldığı üçün 3 oyun cəzalanır, “Kəpəz-2” komandası 200 manat cərimə edilir (maddə 43.1);

Əvəzedicilər liqasının 9-cu turunun “Zirə-2” – “Turan Tovuz-2” oyununda “Turan Tovuz-2” komandasının 4 futbolçusu sarı vərəqə aldığına görə “Turan Tovuz-2” komandası 70 manat cərimə edilir (maddə 37);.

Əvəzedicilər liqasının 9-cu turunun “Qəbələ-2” – “Səbail-2” görüşündə hakim-inspektor oyunun videoyazısı ilə təmin edilmədiyinə görə “Qəbələ-2” komandası 50 manat cərimə edilir (maddə 77.2).