Təmkin Xəlilzadə böyük futbola qayıdacaqmı?
Vaxtıilə ölkə futbolunun ulduzlarından sayılan, milli komandadakı çıxışı ilə hər kəsin sevimlisi olan Təmkin Xəlilzadə hazırda böyük futboldan uzaqda, minifutbolda karyerasını davam etdirir.
Son günlər isə 30 yaşlı müdafiəçi ilə bağlı bəzi transfer xəbərləri yayılır. Əvvəlcə millinin sabiq üzvünün 2-ci liqada çıxış edən “Füzuli”yə keçəcəyi deyilirdi. Bu yaxınlarda isə Təmkinin yarımpeşəkar çempionatda mübarizə aparan digər komanda - “Qusar” ilə anlaşdığı haqda xəbər yayılıb. Bəs görəsən, bu xəbərlər həqiqəti əks etdirirmi?
Bu suala ən doğru cavabı Təmkin Xəlilzadə verə bilərdi ki, belə də oldu: “Mən nə “Füzuli”də, nə də “Qusar”da çıxış edəcəm. Düzdü, heç bir adam gələcəkdə başına gələcəklərdən “sığortalanmayıb”. Lakin böyük futbola qayıdası olsam, yalnız premyer-liqa klublarından birinə keçəcəm. İndi isə bütün fikrimi minifutbol yığması ilə yollanacağım dünya çempinatına yönəltmişəm”.
CAVİD ƏLİYEV
Digər xəbərlər
