“Səbail”in israilli futbolçusu ümidlidi - AÇIQLAMA
Hazırda İsraillə Fələstin arasında müharibə gedir.
Mediada bu proseslə bağlı müxtəlif məqalələr, videolar, görüntülər dərc olunur. Müharibə həqiqətən də dəhşətli hadisədi. Bunu ən yaxşı azərbaycanlılar anlayır. Şükürlər olsun ki, bu gün ölkəmizdə belə hadisələr baş vermir. 30 il erməni işğalında olan torpaqlarımızı düşmənlərdən azad etdik.
Hazırda “Səbail”də çıxış edən Yadin Luqasinin ailəsi də müharibənin canlı şahidi. Yarımmüdafiəçi ilə əlaqə saxlayaraq vəziyyətin necə olduğunu öyrəndik. İsrailli futbolçu məsələ ilə bağlı “Football-plus.az”a açıqlamasında bunları söylədi:
“Vəziyyət həqiqətən çox gərgindi. Tez-tez ailəmlə əlaqə saxlayıram. Onlarla bağlı hansısa problem yoxdu. Ümid edirəm ki, bu hadisələr tez bir zamanda bitəcək”.
İLKİN SULTANLI
Digər xəbərlər
