Yaponiyalı tennisçi Naomi Osaka başa çatmaqda olan il üçün dünyanın ən yüksək ödənişli qadın idmançısıdı.

Football-plus.az xəbər verir ki, bu haqda hesabatı “Forbes” yayıb.

2022-ci ildə adı çəkilən tennisçinin qazancı 51,1 milyon dollar olub. Bu məbləğin yalnız 1,1 milyonu mükafat fondu kimi qazanılıb. Qalan 50 milyon isə sponsorlarla müqavilələrin payına düşür.

Çox qazananların sıralamasında 2-ci yerin sahibi də tennisçidi, amerikalı Serena Uilyams. O, 2022-ci il ərzində 41,3 milyon dollar (300 mini mükafat kimi) qazanıb. Liderlər “üçlüy”ünü çinli fristaylçı, bu il 20,1 milyon dollar (100 mini mükafat kimi) Eylin Qu qapayır.

1. Naomi Osaka (tennis) - 51,1 milyon dollar
2. Serena Uilyams (tennis) - 41,3
3. Eylin Qu (fristayl) - 20,1
4. Emma Radukanu (tennis) - 18,7
5. İqa Sventek (tennis) - 14,9
6. Vinus Uilyams (tennis) - 12,1
7. Kori Qauff (tennis) - 11,1
8. Simona Baylz (idman gimnastikası) – 10
9. Cessika Pequla (tennis) - 7,6
10. Minci Li (qolf) - 7,3