"Əslində oyunu izləmək üçün "Bank Respublika Arena"ya yollanmışdım. Lakin heç gözləmədiyim hadisə baş verdi. PFL-in belə yarışları izləmək üçün verdiyi vəsiqə və millimizin məşqçisi olduğumu sübut edən sənədi göstərsəm də, mühafizə xidməti məni içəri buraxmadı. Bunu avtomobilimin dövlət qeydiyyat nişanının siyahıda olmamasıyla əlaqələndirdilər. Məcbur geri qayıtmalı oldum. Bu haqda dərhal baş məşqçi Canni de Byaziyə məlumat vermişəm. Məsələni qabartmaq və ya ictimailəşdirmək məqsədim yox idi. Sağ olsun idman jurnalistlərimiz, hər şeyə fikir verir, bütün detallarla maraqlanırlar".