“Neftçi”nin sabiq çalışdırıcısı qovuldu

Roberto Bordin artıq “Şerif”i çalışdırmır.

"Football-plus.az" xəbər verir ki, Moldova klubu onunla əməkdaşlığı dayandırıb.

İtaliyalı mütəxəssis komandanın Avropa Liqasında “Slaviya”ya məğlubiyyətindən sonra istefaya göndərilib. Praqada 0:6 hesabı ilə uduzan tiraspollular G qrupunda keçirdiyi “Roma” ilə ilk matçda (1:2) da xal qazana bilməmişdilər.

Bordin “Şerif”i bu ilin yanvarından çalışdırırdı. 58 yaşlı məşqçi bundan əvvəl Moldova yığmasına, “Neftçi”yə və “Şerif”ə başçılıq etmişdi. Başqa sözlə, italiyalı Tiraspol klubundan ikinci dəfə qovulub.