UEFA “Şerif”in avrokuboklardakı çıxışı ilə bağlı qərar verib.

"Football-plus.az" xəbər verir ki, Avropanın ali futbol qurumu Moldova klubuna qadağa qoyub. Qərara əsasən, “Şerif” Çempionlar Liqasının 1-ci təsnifat mərhələsinin “Zrinski” (Bosniya və Hersoqovina) ilə ev oyununu Tiraspol şəhərində keçirə bilməyəcək. Bu qadağa növbəti qərar açıqlanana qədər qüvvədə olacaq. UEFA bu qərarı Dnestryanı bölgədəki təhlükəli vəziyyəti nəzərə alaraq verib. Səbəb kimi Ukrayna ilə sərhəddə vəziyyətin gərginləşməsi göstərilib. “Şerif”ə ev oyunlarını alternativ şəhərlərdə keçirmək təklif olunub. Qeyd edək ki, Tiraspol şəhəri hazırda Rusiya ilə müharibənin davam etdiyi Ukraynanın Moldova ilə sərhədində yerləşir.

Moldova çempionu artıq “Zrinski” ilə oyunu paytaxt Kişinyovda keçirəcəyinə qərar verib. İyulun 12-ə təyin olunan matç “Zimbru” stadionunda təşkil ediləcək.