"Bizi necə matçın gözlədiyini bilirik" - Adrian Mutu
“Elə oyunçularımız var ki, onlardan gözləntilərimiz daha çoxdu və komandaya böyük fayda verə bilər. Bunun üçün də zamana ehtiyac var”.
"Football-plus.az” xəbər verir ki, bunu “Neftçi”nin baş məşqçisi Adrian Mutu klubun televiziyasına açıqlamasında deyib.
Rumıniyalı mütəxəssis premyer-liqanın 9-cu turunda “Qarabağ”la keçiriləcək oyuna hazır olduqlarını bildirib:
“Məşqlərimiz yaxşı keçir. Bizi necə matçın gözlədiyini bilirik. Əlimizdən gələnin ən yaxşısını etməyə çalışacağıq. Ümid edirəm ki, azarkeşlər yenə böyük dəstək verərək yanımızda olacaqlar. Uyğunlaşma dövrü, demək olar ki, başa çatıb”.
Mutu zədəsini sağaldan yarımmüdafiəçi Eddi İsrafilova “Qarabağ”la qarşılaşmada şans verəcəyini istisna etməyib:
“Eddi İsrafilova “Qarabağ”la görüşdə bir neçə dəqiqə oynamaq imkanı verə bilərəm. O, milli komandaların oyunları ilə əlaqədar yaranacaq fasilədən sonrakı dönəm üçün tam hazır olacaq. Eddi bizə meydanda lazım olan futbolçulardandır. Komandaya təsirini xüsusi qeyd etmək lazımdı. Ona böyük hörmətim var”.
Qeyd edək ki, sabah keçiriləcək “Neftçi” – “Qarabağ” oyunu saat 19.30-da başlayacaq.
Digər xəbərlər
