"0:8 hesabıyla uduzmağımızın iki səbəbi var. Birincisi "Neftçi-2" hədsiz güclüdü. Rəqibin heyətində əsas komandada oynamış oyunçular yer alır. Ümumilikdə "ağ-qaralar"ın gəncləri texnika və təcrübə baxımından bizdən üstündülər. Onlara qarşı duruş gətirmək çox çətindi. İkincisi ötən mövsümlə müqayisdə heyətimizdə xeyli dəyişiklik etdik. Demək olar ki, komandanı yenidən formalaşdırdıq. Akif Tağıyev, Mehman Hacıyev, Abbas Ağazadə, İzzət Müştaqov, Elvin Bayramov, Elvin İsmayılov və digər təcrübəli oyunçular komandanı tərk edilər. Onların yerinə akademiyanın uşaqlarını cəlb etdik. Hazırda əlimin altında olan oyunçuların demək olar hamısı 2005-2006-cı il təvəllüdlülərdi. Meydanda təcrübəli və baş məşqçinin oyun fəlsəfəsini mənimsəyən futbolçular olanda çox şey rahat olur. Onlar gəncləri oynadır, göstəriş verir, boşluqları tənzimləyirlər. Amma ümidimizi itirmirik. Hazırkı uşaqların potensialını açmaq üçün maksimum işləyəcəyik. Həm də ətraf və uzaq rayonlarda da gənc istedadları axrarışımız davam edir. Çalışırıq ki, gələcəkdə əsas komanda üçün futbolçu yetişdirək".