“Qarabağ”da oynadığı dönəmdən Mahmudun ürəyində problem var idi. Bizə gələndən sonra onu həkim yanına göndərdik və birhəftəlik müalicə yazdılar. Sən demə, o dərmanların hansınınsa tərkibində dopinq var imiş. Bundan nə biz, nə də futbolçumuz xəbərdar olub. Ancaq Mahmuda yazılan müalicə də effekt vermədi. Sonra dedilər ki, əməliyyat olunmalıdı. Bu dediyim proseslər “Neftçi-2” ilə keçirəcəyimiz oyundan 5-6 ay əvvəl olub. Bizə dedilər ki, siz bu oyunçunun ürəyinə görə istifadə elədiyi dərmanlar haqda əvvəlcədən məlumat versəydiz, belə olmazdı. Əvvəlcə 4 il illik cəza vermişdilər, lakin biz Mahmudun ürəyinə görə həkimdən aldığı kağızları AMADA-ya göndərdik. Onlar da oyunçunu yenidən yoxlanmağa göndərdilər. Sonda dedilər ki futbolçu müalicə ala-ala, futbol oynaya bilər və cəzasını da 2 ilə endirdilər. Yəni biz tərəfindən sübut olundu ki, Mahmud həqiqətən də dopinq qəbul etməyib, sadəcə, ürəyinə görə içdiyi dərmanlar hesabına belə olub. Önəmli futbolçularımızdan biri idi. “Zaqatala”nın qapısı onun üzünə həmişə açıqdı”.