İngiltərə futbolunun səviyyəsinə görə 2-ci turniri sayılan çempionşipdə yeni mövsümə start verilib.

Bu yay öz transferləri ilə diqqət çəkən Acun Ilıcalının sahibi olduğu ''Hall Siti'' ilk turda doğma meydanda ''Bristol Siti'' ilə qarşılaşıb. İlk hissə qonaqların minimal üstünlüyü başa çatıb. Fanatlarını uzun müddət həyəcanda saxlayan ''Hall Siti'' son 20 dəqiqədə vurduğu qollarla matçın gedişatını lehinə çevirməyi bacarıb. 72-ci dəqiqədə qazanılan penaltini ''Fənərbaxça''dan yaxşı tanıdığımız Ozan Tufan dəqiq yerinə yetirib. Bununla da təcrübəli futbolçu yeni klubunda ilk rəsmi oyundaca qol hesabını açmış oldu. Qələbə qolunu isə əsas vaxta əlavə olunmuş 4-cü dəqiqədə ''Qalatasaray''ın sabiq üzvü Jan Mişel Seri vurdu. Ümumiyyətlə sonradan meydana çıxanları da saysaq, ''pələnglər''in heyətində vaxtilə Türkiyədə oynamış 5 futbolçunun oynaması diqqət çəkdi.

Beləliklə, ''Hall Siti'' mövsümə çətin qələbə ilə başlamış oldu. Komanda 2-ci turda səfərdə ''Preston''la qarşılaşacaq.