"İlk növbədə onu deyim ki, milliyə dəvət almaq mənim üçün həmişə xoşdu. Oynadım-oynamadım, yığmanın içində olmaq həmişə arzum olub. Son iki matçda şans qazanmamağıma gəlincə, baş məşqçinin qərarına hörmətlə yanaşıram. Burda inciyəcək, küsəcək bir hal yoxdu. Mən tərəfdən hər şey qaydasındaydı, şans verilməsini gözləyirdim və çıxıb oyunumu sərgiləyəcəkdim. Belçika ilə matçda, əsasən də ilk yarıda yaxşı çıxış etdik. Uduzduq, amma daha sərfəli nəticəyə layiq idik. İordaniya ilə görüşdə isə qələbə qazandıq. Hamımız da bir nəfər kimi zəfərimizə sevindik. Əsas olan da budu. Bu dəfə şans qazanmadım. Amma ümidliyəm. Üzərimdə daha çox çalışacam ki, əsas heyətdə yer alım".