Bu mövsümdən 1-ci liqada çıxış edəcək "İrəvan" haqda mənfi xəbərlərin sayı günü-gündən artır.

Əsas problem Qərbi Azərbaycan təmsilçisinin prezidenti Zahid Niyazəliyevlə bağlıdı. "Qırmızı-ağlar"ın rəhbəri haqda “Football-plus.az”a maraqlı informasiya daxil olub. Sən demə, Zahid Niyazəliyev sabiq xanımı Gülzar Niyazəliyevaya vaxtına aliment ödəmədiyinə görə axtarışa verilib. Əlimizdə Binəqədi rayon İcra şöbəsinin rəisi, ədliyyə müşaviri İlham Həsənovun Binəqədi rayon Polis İdarəsinin rəisi İlqar Məmmədova avqustun 29-da göndərdiyi məktubun surəti də var. Həsənov həmin məktubda axtarış tədbirləri barədə Binəqədi rayon İcra şöbəsinə məlumat verilməsini xahiş edir.

Məsələ ilə bağlı qarşı tərəfin fikirlərini işıqlandırmağa hazırıq.