“Fariz Nəcəfova böyük hörmətimiz var. Fariz müəllimin fikirləri ilə tanışıq. “Qəbələ” uzun illərdi ölkəmizi beynəlxalq miqyasda layiqincə təmsil edir və bu vəziyyət komanda üçün ilk deyil. Məsələ ilə bağlı, sadəcə, onu deyə bilərəm ki, biz oyunu maksimum təyin edə biləcəyimiz günə təyin etmişdik. Çünki nəzərə almaq lazımdı ki, hər iki komanda avqustun 6-da çempionat oyununda qüvvəsini sınayıb, avqustun 10-da da növbəti mərhələnin oyununa çıxmalıydı. Təəssüf ki, “Qəbələ”nin püşkdə bəxti gətirmədi, qarşılaşa biləcəyi ən güclü rəqiblə qarşılaşdı və mübarizəni dayandırdı. Əslində Fariz müəllim həmin müsahibədə həm “Qəbələ”nin, həm də PFL-in mövqeyini ortaya qoyub. Qrafikin sıxlığı ilə razılaşırıq, amma çempionatın ilk turunun, eləcə də bütün turlarının tam şəkildə keçirilməsi məqsədəuyğundu”.