Bu gün keçirilən oyunlarla Misli premyer-liqasının 4-cü turuna yekun vurulub.

"Football-plus.az" xəbər verir ki, keçirilən hər iki qarşılaşmanı “CBC Sport” canlı yayınlayıb. Yeri gəlmişkən, turun bütün oyunları Şəhriyar Rəhimovun xatirəsinin birdəqiqəlik sükutla yad olunmasıyla başlayıb.

Misli premyer-liqası
1-ci dövrə, 4-cü tur
27 avqust
Neftçi – Qəbələ 2:0
Rəhman Hacıyev, 45+3, Yuri Matias, 79
Qırmızı vərəqə: Rza Cəfərov, 70
“Neftçi”nin bu rəqiblə ev oyunlarının balansı: 29:+13=7-9, 42:33.
2006/07 – 4:1; 2007/08 – 2:0; 2008/09 – 0:0; 2009/10 – 1:1, 1:2; 2010/11 – 0:0; 2011/12 – 2:0, 0:1; 2012/13 – 3:0, 2:1; 2013/14 – 2:1, 1:2; 2014/15 – 0:0, 1:3; 2015/16 – 0:1, 1:2; 2016/17 – 0:8, 1:0; 2017/18 – 2:3, 1:0; 2018/19 – 2:1, 1:1; 2019/20 – 4:1; 2020/21 – 1:1, 1:0; 2021/22 – 2:2, 4:0; 2022/23 – 2:0, 1:2.
Cəzalı: yoxdu.
“Futbol+”in proqnozu: 50-30-20.
Hakimlər: RƏŞAD ƏHMƏDOV, Rahil Ramazanov, Şirmamed Mamedov, Rauf Allahverdiyev.
Hakim-inspektor: Barış Şimşək.
AFFA nümayəndəsi: Bəhram Qurbanov.
Bakı. “Neftçi Arena”. Saat 18.30.

Bu qarşılaşma hər iki kollektiv üçün dönüş nöqtəsi ola bilər. Komandalar çempionata pis başlayıb. 3 turdan sonra “Neftçi”nin hesabında 2 xal var, “Qəbələ” isə xalsızdı. Görüşün favoriti “ağ-qaralar”dı. Ümumiyyətlə, Elmar Baxşıyevin rəhbərlik etdiyi komandanın oyunu alınmır. Bu görüşdə böyükhesablı qələbə də yaşana bilər. “Qəbələ” digər matçlardakı kimi performans sərgiləsə, Bakı təmsilçisi rəqibi azı 4-5 qolla məyus edəcək. Ola bilər ki, “Neftçi” 0:8 hesablı məğlubiyyətin acığını da çıxsın.

Ümumiyyətlə, bu komandalar indiyə kimi 59 dəfə üz-üzə gəlib. Bu görüşlərin 27-də “ağ-qaralar”, 18-də isə qəbələlilər qalib gəlib. 14 oyunda isə heç-heçə qeydə alınıb. Topların nisbətində də bakılılar öndədi – 87:59.

Qarabağ – Kəpəz 1:1
Juninyo, 9 - Cavad Kərimov, 86
“Qarabağ”ın bu rəqiblə ev oyunlarının balansı: 27:+18=5-4, 46:18.
1992 - 0:0; 1993/94 – 1:1; 1994/95 – 0:2; 1995/96 – 3:0, 1:2; 1996/97 – 1:0; 1997/98 – 0:0; 1998/99 – 2:1, 0:2; 1999/00 – 2:1; 2000/01 – 2:1; 2001/02 – 3:2; 2003/04 – 4:0; 2004/05 – 0:1, 1:1; 2005/06 – 0:0; 2010/11 – 3:0; 2011/12 – 1:0; 2012/13 – 3:1; 2015/16 – 3:0, 4:0; 2016/17 – 1:0, 2:1; 2017/18 – 2:0, 1:0; 2022/23 – 3:1, 3:1.
Cəzalı: Elmir Tağıyev (Kəpəz).
“Futbol+”in proqnozu: 50-30-20.
Hakimlər: ƏLİ ƏLİYEV, Zeynal Zeynalov, Vüsal Məmmədov, Rəvan Həmzəzadə.
Hakim-inspektor: Ceyhun Haşımov.
AFFA nümayəndəsi: Mahal Məmmədov.
Bakı. “Azərsun Arena”. Saat 20.45.

Həftənin son matçı Bakıda keçiriləcək. Son çempion “Qarabağ” “Kəpəz”i qəbul edəcək. “Köhlən atlar”, demək olar ki, Avropa Liqasının qrupuna vəsiqə qazanıb. Qurban Qurbanov çempionatdakı oyunda fərqli heyəti sınaya bilər. Hər halda, təcrübəli mütəxəssis necə “11-lik” meydana buraxsa da, Gəncə təmsilçisindən güclü olacaq. Bu səbəbdən də qarşılaşmanın favoriti “köhlən atlar”dı. Kollektiv Bakıdakı oyunda gəncəliləri rahat şəkildə məğlub etmək potensialındadı.

Ümumiyyətlə, bu komandalar indiyə kimi 53 dəfə üz-üzə gəlib. Bu görüşlərin 29-da ağdamlılar, 14-də “sarı-göylər” qələbə qazanıb. 10 qarşılaşmada isə heç-heçə qeydə alınıb. Topların nisbətində də “köhlən atlar” öndədi – 75:57.

26 avqust
Turan Tovuz – Səbail 1:3
Redorik Miller, 84 - Aleksandr Ramalinqom, 5. Yusif Nəbiyev, 62, Ağabala Ramazanov, 90
“Turan Tovuz”un bu rəqiblə ev oyunlarının balansı: 2:+0=2-0, 4:4.
2022/23 – 2:2, 2:2.
Cəzalı: yoxdu.
“Futbol+”in proqnozu: 30-30-40.
Hakimlər: TURAL QURBANOV, Akif Əmirəli, Cəmil Quliyev, Nicat İsmayıllı.
Hakim-inspektor: Feyzulla Feyzullayev.
AFFA nümayəndəsi: Erkin Hüseynov.
Tovuz. Şəhər stadionu. Saat 17.00.

“Boz qurd” axır ki evinə geri dönür. Bu mövsüm komanda ilk dəfə doğma meydanda oyun keçirəcək. Tovuz stadionundakı təmir işləri, işıqlandırma sistemini nəzərə almasaq, başa çatıb. Azarkeşlərin rahatlığı üçün VİP sektor yenidən istifadəyə verilib. Oyunu məhz 140 nəfərlik həmin sektordan izləmək istəyən azarkeşlər 5 manatlıq bilet almalıdı. Bir sözlə, “Turan-Tovuz” doğma azarkeşlər önündə oynamağa hazırdı. Ümumiyyətlə, “Qarabağ”la görüşü nəzərə almasaq, tovuzlular çempionata çox yaxşı başlayıb. Onlar 3 qarşılaşmanın ikisində qələbə qazanaraq 6 xalla 4-cü pillədə qərarlaşıb. Ayxan Abbasov yeni mövsümə pis başlayan “Səbail”ə qalib gələrək işləri daha da yaxşılaşdırmaq niyyətindədi.

“Dənizçilər” isə çıxış yolu axtarır. Yay “transfer pəncərə”sində heyəti başdan-ayağa dəyişən komanda Tovuz səfərində qələbə qazanmaq arzusundadı. Lakin Şahin Diniyevin komandasının işi çox çətin olacaq. Meydan sahibləri favoritdi. Bu başqa məsələ ki, paytaxt təmsilçisinin qələbəsi də sensasiya sayılmayacaq.

Ümumiyyətlə, bu komandalar indiyə kimi 4 dəfə üz-üzə gəlib. Ötən mövsüm keçirilən qarşılaşmaların 3-də heç-heçə qeydə alınıb, 1-də isə tovuzlular qələbəyə sevinib. Topların nisbətində də “boz qurd” öndədi – 6:5.

Zirə - Sabah 1:0
Vladislav Kulaç, 2
“Zirə”nin bu rəqiblə ev oyunlarının balansı: 10:+2=3-5, 8:14.
2018/19 – 0:2, 0:2; 2019/20 – 1:1, 2:0; 2020/21 – 0:2, 2:2; 2021/22 – 1:1, 2:0; 2022/23 – 1:2, 0:2.
Cəzalı: yoxdu.
“Futbol+”in proqnozu: 30-40-30.
Hakimlər: ELÇİN MƏSİYEV, Pərvin Talıbov, Kamran Bayramov, Fərid Hacıyev.
Hakim-inspektor: Anar Salmanov.
AFFA nümayəndəsi: Asif Əliyev.
Zirə. İdman Kompleksinin stadionu. Saat 19.30.

Paytaxt derbisini turun ən vacib görüşü saymaq olar. Ardıcıl 3 görüşdə qələbə qazanan “qartal” bunların təsadüfi olmadığını isbat etmək istəyir. “Bayquşlar”ı Rəşad Sadıqovun komandası ilə oyunda çətin mübarizə gözləyir. Maraq üçün bildirək ki, “Neftçi” ilə qarşılaşmada qırmızı vərəqə alan Murad Musayev ehtiyat oyunçular skamyasında otura bilməyəcək. Bu amilin də matçın nəticəsinə təsir edəcəyini düşünmək olar. Derbidə konkret favorit yoxdu. Hər iki tərəf qələbə qazana bilər. Lakin heç-heçənin qeydə alınacağı daha real görünür.

Ümumiyyətlə, bu komandalar indiyə kimi 19 dəfə üz-üzə gəlib. Derbilərdə “Zirə” 4, “Sabah” 9 dəfə qələbə qazanıb. 6 matçda isə qalib müəyyənləşməyib. Topların nisbətində də “tələbələr” öndədi – 28:21.

1. Zirə 4 4 0 0 5-1 12
2. Sumqayıt 3 2 1 0 7-3 7
3. Qarabağ 4 2 1 1 6-3 7
4. Turan Tovuz 4 2 0 2 6-6 6
5. Neftçi 4 1 2 1 4-3 5
6. Sabah 3 1 1 1 6-2 4
7. Səbail 4 1 1 2 6-8 4
8. Araz-Naxçıvan 4 1 1 2 4-6 4
9. Kəpəz 4 1 1 2 2-4 4
10. Qəbələ 4 0 0 4 1-11 0

Bombardir: Martin Petkov (Turan Tovuz) - 3.