Son dönəmlərdə AFFA bu praktikadan istifadə etməsə də, əvvəlki illərdə avrokuboklarda oynayan klublarımızın çempionat matçları tez-tez təxirə salınırdı.

"Football-plus.az" xəbər verir ki, həmin vaxt ''Avropada belə şey yoxdu'' deyirdik. Maraqlıdı ki, indi hər şey əksinə olub. Avropada artıq bu praktikadan tez-tez istifadə olunmağa başlanıb. Məsələn, Niderland Kral Futbol Assosiasiyası bu həftəiçi avrokuboklarda oynayacaq klubların həftəsonu çempionat oyunlarını təxirə salıb.

Söhbət ''Ayaks'', PSV, ''Alkmaar'' və ''Tvente''dən gedir. ''Tvente'' bilindiyi kimi ''Fənərbaxça'' ilə qarşılaşacaq. Elə Belçikada da bu təcrübədən istifadə olunacaq. Belçika təmsilçisi ''Genk'' isə ''Adana Dəmirspor''un rəqibidi. Artıq Türkiyə Futbol Federasiyası da bu baxımdan hərəkətə keçib. Hər halda rəqiblərin həftəsonu dincələrək cavab oyununa fiziki cəhətdən daha yaxşı durumda çıxması bir qədər düzgün olmaz. Ona görə də TFF avrokubok iştirakçılarının rəsmiləri ilə əlaqə quraraq onları da bu plandan agah edib. Böyük ehtimalla həftəsonu 3-cü tur çərçivəsində oynanılmalı olan ''İstanbulspor'' - ''Qalatasaray'', ''Fənərbaxça'' - ''İstanbul BŞ'' və ''Adana Dəmirspor'' - ''Beşiktaş'' oyunları təxirə salınacaq. Türkiyənin 10-cu pillədə qərarlaşdığı əmsallar cədvəlində yenə mütləq şəkildə əmsallara ehtiyac duyduğunu nəzərə alsaq, bu addım başa düşüləndi.

Əli