Tarixinin ən yaxşı mövsümünü keçirərək 4-cü yeri tutan və Türkiyəni ilk dəfə avrokuboklarda təmsil etməyə hazırlaşan “Adana Dəmirspor” baş məşqçi məsələsini yoluna qoydu. Bilindiyi kimi, Adana təmsilçisi mövsüm bitdikdən sonra bu uğurun baş memarı Vinçentso Montella ilə maddi məsələlərdə anlaşa bilməyərək yollarını ayırmışdı.

"Football-plus.az" xəbər verir ki, Slaven Biliç və Andrea Pirlo başda olmaqla bir sıra məşqçilərlə danışıqlar aparan başqan Murat Sancak sonda üstünlüyü Patrik Klyuvertə verib. Məşhur niderlandlı futbol adamı ilə ikiillik müqavilə imzalanıb. Bu, praktiki cəhətdən Klyuvertin müstəqil məşqçi kimi ilk ciddi sınağı olacaq.

Futbolçu kimi “Ayaks” və “Barselona”dakı çıxışı ilə tanınan 47 yaşlı Klyuvert məşqçi kimi hələ özünü göstərə bilməyib. O, buna qədər PSJ-də idman direktoru, “Barselona”da gənclərin inkişafına cavabdeh yönətici kimi çalışıbsa, məşqçi kimi “Tvente”nin U-21, “Ayaks”ın U-19 komandalarında işləyib. Eləcə də “Alkmaar” və “Neymegen”də hücumçular üzrə məşqçi, Niderland və Kamerun yığmalarında köməkçi-məşqçi vəzifəsini icra edib. Klyuvert ən son qısa müddət Kürasao yığmasını çalışdırıb. Bu üzdən onun iddialı Adana klubunda necə təsir bağışlayacağı indidən böyük maraq doğurur. Klyuvert dünən yeni klubunun başında ilk məşqə çıxıb. “Adana Dəmirspor” ayın 13-nə qədər “Fənərbaxça”ya məxsus “Topuk Yaylası”nda hazırlıq keçəcək. Klyuvertin əsas köməkçiləri isə “Ayaks”, “Milan”, “Barselona”nın sabiq oyunçusu Uinston Boqard və ən son İraq yığmasını çalışdırmış Jelko Petroviç olacaq.

Bu arada təcrübəli Benjamin Stambulini buraxmayan və onunla “2+1” illik müqavilə imzalayan Adana təmsilçisinin Edinson Kavani ilə maraqlandığı iddia edilmişdi. Amma Murat Sancakın sözlərindən belə başa düşmək olar ki, məşhur forvard Türkiyəyə gəlməyəcək: