Beynəlxalq Olimpiya Komitəsi 2028-ci ildə ABŞ-ın Los-Anceles şəhərində keçiriləcək Yay Olimpiya Oyunlarının proqramına avtoidmanın daxil edilməsini nəzərdən keçirir.

"Inside the Games" nəşrinin xəbərinə görə, son qərarın oktyabrda verilməsi planlaşdırılır.

Avtoidmandan əlavə, bayraq futbolu (Amerika futbolunun təmassız versiyası), beysbol, kikboksinq və bir neçə başqa idman növü Olimpiadanın proqramına salınmaq üçün mübarizə aparır. Siyahıda ümumilikdə 9 növün olduğu bildirilib. Beynəlxalq Avtomobil Federasiyasının (FİA) Olimpiada üçün hansı avtoidmanı təklif edəcəyi hələlik bəlli deyil. Lakin bunun kartinq olacağı gözlənilir.

Xatırladaq ki, ABŞ Olimpiadasının 2028-ci il 21 iyul - 6 avqust aralığında keçirilməsi planlaşdırılır.