"Qarabağ" bu gün Avropa Liqasında növbəti oyuna çıxıb. "Köhlən atlar" HİK-in qonağı olub.

"Football-plus.az" xəbər verir ki, qarşılaşma "İdman TV"də canlı yayınlanıb. 

Avropa Liqası
3-cü təsnifat mərhələsi, cavab görüşü
HİK (Finlandiya) - Qarabağ 1:2
Santeri Hostikka, 10 - Toral Bayramov, 45+3 (p.), Yassin Benzia, 56
Qırmızı vərəqə: Kevin Kuassivi-Benissan, 17
HİK: 85. Niki Myanpa, 2. Tuomas Ollila, 4. Yoona Toyvio, 9. Boyan Raduloviç, 10. Lukas Linqman, 15. Miro Tenho, 18. Topi Keskinen, 22. Yukka Raytala, 24. Georgios Kanellopulos, 27. Kevin Kuassivi-Benissan, 7. Santeri Hostikka.
Ehtiyat oyunçular: 1. Yesse Öst, 78. Aleks Ramula, 3. Nikolas Hyömyölöynen, 5. Kristofer Da Qrasa, 6. Aapo Halme, 8. Filip Rogiç, 11. Roope Riski, 14. Matti Peltola, 17. Hassane Bande 29. Entoni Olusanya, 56. Perparim Hetemay, 37. Atomu Tanaka.
Baş məşqçi: Toni Korkeakunnas.
"Qarabağ": 1. Şahruddin Məhəmmədəliyev, 13. Bəhlul Mustafazadə, 81. Kevin Medina, 44. Elvin Cəfərquliyev, 27. Toral Bayramov, 6. Julio Romao, 8. Marko Yankoviç, 7. Yassin Benzia, 15. Leandro Andrade, 10. Abdullah Zubir, 19. Redon Cica.
Ehtiyat oyunçular: 23. Luka Quqeşaşvili, 89. Amin Ramazanov, 4. Rahil Məmmədov, 5. Maksim Medvedev, 11. Adama Diakabi, 17. Hamidu Keyta, 18. Juninyo, 20. Riçard Almeyda, 55. Bədavi Hüseynov, 66. Patrik Andrade, 83. Nihad Quliyev, 90. Nəriman Axundzadə.
Baş məşqçi: Qurban Qurbanov.
Hakimlər: UİLLİ DELAJOD, Ervan Finjön, Filip Jönne,  Tomas Leonard (hamısı Fransa).
VAR hakimi: Pyer Qaillöste (Fransa).
Köməkçi VAR hakimi: Benyöit Millot (Fransa).
UEFA nümayəndəsi: Envi Hiçka (Albaniya).
Hakim-inspektor: İtçko Lozev (Bolqarıstan).
17 avqust. Helsinki. "Bolt Arena" stadionu. Saat 20.00.
İlk oyun - 1:2.

Bakıdakı görüşdə çətin qələbə qazanan "Qarabağ" Helsinkiyə böyük motivasiya ilə yollanıb. Ağdamlılar premyer-liqada "Turan Tovuz"u 3:0 hesabıyla məğlub edib. Bu qələbə kollektivdə özünəinamı geri qaytarıb. "Köhlən atlar" Finlandiyadakı qarşılaşmanın favoritidi desək, yanılmarıq. Ağdam təmsilçisi belə vacib məqamlarda daha yaxşı təsir bağışlayır. 

Böyük ehtimal Qurban Qurbanov ilk oyundakı səhvləri təhlil edərək kollektivi Helsinkidəki "Futbol" stadiondakı görüşə hazırlayıb.  Ümumiyyətlə, təcrübəli mütəxəssis belə məqamlarda həyətdə çox dəyişiklik etməyi xoşlamır. Lakin HİK-lə oyunun fərqli olacağını düşünmək olar. Çox güman, "Qarabağ" bugünkü oyuna aşağıdakı "11-lik"lə çıxacaq:

Şahruddin Məhəmmədəliyev, Elvin Cəfərquliyev, Kevin Medina, Bəhlul Mustafazadə, Toral Bayramov, Julio Romao, Marko Yankoviç, Abdullah Zubir, Yassin Benzya, Adama Diakabi və Juninyo. 

Qurban Qurbanov fiziki cəhətdən ağır olan rəqibi sürətli futbolçularla əks-hücumda yaxalamağa çalışacaq. 
Bu oyun "Qarabağ" üçün olduqca vacibdi. "Köhlən atlar" Avropa Liqasının pley-offuna vəsiqə qazansa, ardıcıl 10-cu mövsüm avrokubokların qrupuna düşəcək ki, bu da nəinki Azərbaycan, hətta Avropa futbolu üçün nadir hadisələrdən biridi.