Bu gün Avropa Liqasının 3-cü təsnifat mərhələsinə start verilib. Təmsilçimiz "Qarabağ" burda ilk görüşünə çıxıb.

"Football-plus.az" xəbər verir ki, "köhlən atlar" Finlandiyanın HİK klubu ilə üz-üzə gəlib. "İdman TV" oyunu canlı yayınlayıb.

Avropa Liqası
3-cü təsnifat mərhələsi, ilk oyun
Qarabağ - HİK (Finlandiya) 2:1
Leandro Andrade, 55, Juninyo, 85 - A. Olusanya, 77
"Qarabağ": 1. Şahruddin Məhəmmədəliyev, 13. Bəhlul Mustafazadə, 81. Kevin Medina, 44. Elvin Cəfərquliyev, 27. Toral Bayramov, 6. Julio Romao, 8. Marko Yankoviç, 7. Yassin Benzia, 15. Leandro Andrade, 10. Abdullah Zubir, 19. Redon Cica.
Baş məşqçi: Qurban Qurbanov.
HİK: 1. Yesse Öst, 4. Yoona Toyvio, 9. Boyan Raduloviç, 10. Lukas Linqman, 15. Miro Tenho, 18. Topi Keskinen, 22. Yukka Raytala, 23. Püri Soyri, 24. Georgios Kanellopulos, 27. Kevin Kuassivi-Benissan, 37. Atomu Tanaka.
Baş məşqçi: Toni Korkeakunnas.
Hakimlər: ROİ REYNSREYBER, David Elias Biton, Saqi Metzamber, Erez Papir (hamısı İsrail).
Hakim-inspektor: Vladimir Petrov (Ukrayna).
UEFA nümayəndəsi: Maria Mifsud (Malta).
10 avqust. Bakı. Tofiq Bəhramov adına Respublika stadionu. Saat 20.00.

"Qarabağ"da işlər qaydasında deyil. Komanda ardıcıl iki oyundu qələbəyə həsrətdi. Qurban Qurbanov yenə ehtiyatlı danışıb. Lakin ağdamlılar belə çətin durumlarda həmişə yüksək motivasiyalı olub. Finladiya təmsilçisi Avropa təcrübəsinə görə "Qarabağ"dan güclü deyil. Lakin ağdamlılar indi psixoloji cəhətdən çökmüş durumdadı. Amma Qurbanovun komandasına inam o qədər də azalmayıb. "Köhlən atlar" Tofiq Bəhramova geridönüşü qələbə ilə qeyd etmək istəyəcək. Ağdam təmsilçisində, sadəcə, iki zədəli var. Söhbət Marko Yankoviçlə Abbas Hüseynovdan gedir. Hər iki oyunçu bu görüşdə iştirak edə bilməyəcək.

Bu komandalar indiyə kimi üz-üzə gəlməyib. Lakin HİK Azərbaycan klubu ilə qarşılaşıb. 2021/22 mövsümündə Helsinki klubu "Neftçi"ni Avropa Liqasının 3-cü təsnifat mərhələsindən uzaqlaşdırıb. Bakıdakı oyun 2:2 hesabı ilə başa çatsa da, səfərdəki görüşdə rəqib üç cavabsız qolla qələbə qazana bilmişdi.

"Qarabağ" Finlandiya klubları ilə 4 dəfə üz-üzə gəlib və bu qarşılaşmaların yalnız birində məğlub olub. Ağdamlılar 2 qələbə qazanıb, 1 heç-heçə edib. Topların nisbətində də "köhlən atlar" öndədi - 4:3.

08.08.1996. UEFA kuboku. Qarabağ - MüPa-47 0:1
23.08.1996. UEFA kuboku. MüPa-47 - Qarabağ 1:1, ə.v.
30.07.2009. Helsinki. AL. Honka - Qarabağ 0:1
06.08.2009. Bakı. AL. Qarabağ - Honka 2:1