"Bir neçə gün əvvəl 17 yaşadək həndbolçulardan ibarət Azərbaycan millisi qrup mərhələsində böyük hesabla məğlub olub. Xəbər səhifələrinin biri bununla bağlı paylaşım edib. Paylaşımın rəy bölümündə qarşılaşdığım sözlər məni dəhşətə gətirdi. Yeniyetmə qızlara, qadınlara qarşı bu cür fikirləri qəti pisləyirəm. Ən pisi də odu ki, qızlarımıza qarşı bu cür fikirləri söyləyənlər həmvətənlərimizdi. Azərbaycan idman ölkəsidi. Dövlətimiz həmişə idmançıların yanında olub, onlardan dəstəyini əsirgəməyib. Qadın idmançılarımıza beynəlxalq arenada çıxış etmək üçün hər cür şərait yaradılır. Biz də qadın olaraq ölkəmizi təmsil edirik və bayrağımızı ucaldırıq. Avropa, dünya çempionatlarında və Olimpiya Oyunlarında vətənimizə medal, kubok qazandıran saysız-hesabsız qadın idmançılar var. Biz Azərbaycan qadınının gücünü də bütün dünyaya göstəririk. Belə mənfi fikirlərin və qadın hüquqlarının pozulmasına yönəlmiş ifadələrin səslənməsi isə adamda təəssüf doğurur. Azarkeş dəstəyi idmançı üçün meydanda çox böyük köməkdi. Peşəkar idmançı kimi demək istəyirəm ki, həmişə gənclərin yanındayıq və onlara dəstəyimizi göstərməyə hazırıq".