Murad Musayev nəyə əsəbləşib?
Dünən "Bank Respublika Arena"da keçirilən oyunöncəsi mətbuat konfransı zamanı "Sabah"ın baş məşqçisi Murad Musayev çəkiliş aparanlara əsəbləşib. Belə ki, o, oyunla bağlı fikirlərini bildirən zaman kameramanların hələ hazır olmadığı görünüb. Bu da rusiyalı mütəxəssisin əsəbləşməsinə və emosional şəkildə etirazına səbəb olub.
"Football-plus.az" saytı olaraq, məsələylə bağlı daha detallı bilgilər almaq üçün klubun sözçüsü Elnur Həmidova müraciət etdik:
"Murad müəlliim vaxtını boş yerə xərcləməyi sevməyən məşqçidi. Hətta məşq prosesi zamanı bir neçə dəqiqə gecikmə, ləngimə olanda buna dözümlü münasibət göstərmir. Mətbuat konfransında baş məşqçimiz danışmağa başlayanda çəkiliş aparanlar kameraları qoşa bilməmişdi. Bu zaman onlardan biri Murad müəllimin sözünü kəsdi və yenidən başlamalı olduğunu qeyd etdi. Baş məşqçimiz də buna etiraz etdi ki, 17.30-da mətbuat konfransı başlayıb, amma siz hələ işinizi görə bilməmisiz. Bu mənim və futbolçularımın vaxtından gedir. Başqa bir problem yoxdu. Həmin çəkiliş aparanların hansı kanaldan olduğunu da bilmədim. Dəqiq bilirəm ki, İTV, CBC Sport və CBC TV deyildi".
ABDULLA İSMAYILOĞLU
Digər xəbərlər
