“Qarabağ” bu gün 2023/24 mövsümündə ikinci rəsmi oyununa çıxıb.

"Football-plus.az" xəbər verir ki, çempionumuz Çempionlar Liqasının 1-ci təsnifat mərhələsinin cavab görüşündə “Linkoln Red İmps”i qəbul edib. Bu oyunu “CBC Sport” canlı göstərib.

Qeyd edək ki, "Qarabağ"ın Çempionlar Liqasının 2-ci təsnifat mərhələsindəki rəqibi Polşanın "Rakuv" klubu olacaq. Ağdamlılar ilk qarşılaşmaya iyulun 26-da səfərdə, cavab görüşünə avqustun 3-4-də Bakıda çıxacaq.

Çempionlar Liqası
1-ci təsnifat mərhələsi, cavab görüşü
Qarabağ – Linkoln Red İmps (Cəbəllütariq) 4:0
Abdullah Zubir, 7, Bəhlul Mustafazadə, 45+1, Redon Cica, 49, Marko Yankoviç, 62
"Qarabağ": 1. Şahruddin Məhəmmədəliyev(k), 13. Bəhlul Mustafazadə, 29. Marko Veşoviç, 55. Bədavi Hüseynov (k), 44. Elvin Cəfərquliyev, 6. Julio Romao, 8. Marko Yankoviç, 15. Leandro Andrade, 7. Yassin Benzia, 10. Abdullah Zubir, 99. Redon Cica
Ehtiyat oyunçular: 23. Luka Quqeşaşvili, 89. Amin Ramazanov, 2. Qara Qarayev, 4. Rahil Məmmədov, 5. Maksim Medvedev, 11. Adama Diakabi, 17. Hamidu Keyta, 20. Riçard Almeyda, 27. Toral Bayramov, 81. Kevin Medina, 83. Nihad Quliyev, 90. Nəriman Axundzadə

“Linkoln” (Cəbəllütariq): 23. Deyl Kolinq, 6. Bernardu Lopeş (k), 24. Con Sarcent, 21. Nano, 5. İbrahim Ayu, 88. Mandi, 20. Mustafa Yahaya, 10. Liam Uoker, 66. İtan Britto, 9. Kike Qomes, 7. Li Kasyaro
Ehtiyat oyunçular: 1. Nauset Santana, 13. İvan Villanueva, 4. Samson Acayi, 11. Xuampe, 17. Marko Rosa, 19. Xuan Penya, 29. Roy Çipolina, 31. Conatan Şortino, 33. Cumaney Börnet, 77. Kayl Klinton
Hakimlər: HAMİTİ ELDORYAN, Ridiqer Çokaj, Ani Koçiaj, Çjapi Kreşnik (hamısı Albaniya).
VAR hakimi: Kreşnik Barjamaj (Albaniya).
VAR hakiminin köməkçisi: Olsid Ferataj (Albaniya).
19 iyul. Bakı Olimpiya Stadionu. Saat 20.00
İlk oyun – 2:1.

İlk oyunda rəqibin gücünə bələd olduq. Cəbəllütariq təmsilçisi “Qarabağ”a yaxşı müqavimət göstərə bildi. Lakin “köhlən atlar”ın təcrübəsi sözünü dedi. Matçın sonlarında olsa belə, ağdamlılar qələbə qazandı. Bu görüşün də əsas favoriti, sözsüz, “Qarabağ”dı. Səfərdə sərfəli nəticə əldə edən “köhlən atlar”ın üstünlüyü əldən verməsi üçün sensasiya yaşanmalıdı.

Qurban Qurbanovun komandasının əleyhinə olan yeganə məqam stadion amilidi. “Qarabağ” Bakı Olimpiya Stadionunda keçirdiyi matçlarda qələbəyə həsrətdi. Ağdamlılar burda 8 oyun keçirib, 6-da məğlub olub, 2-də heç-heçə edib. Top fərqi də xeyrimizə deyil: 3-18.

“Qarabağ” – “Roma” (İtaliya) 1:2
“Qarabağ”- “Atletiko” (İspaniya) 0:0
“Qarabağ” – “Çelsi” (İngiltərə) 0:4
“Qarabağ” – “Arsenal” (İngiltərə) 0:3
“Qarabağ” – “Vorskla” (Ukrayna) 0:1
“Qarabağ” – “Sportinq” (Portuqaliya) 1:6
“Qarabağ” – “Bazel” (İsveçrə) 0:0
“Qarabağ” – “Qalatasaray” (Türkiyə) 1:2

Gördüyünüz kimi, BOS-da “Qarabağ”ın qələbəsi yoxdu. Ümid edirik ki, bu lənətə son qoyulacaq.

Qarşılaşmanı albaniyalı hakimlər briqadası idarə edəcək. Hamiti Eldoryan hakim kimi 2015-ci ildə debüt edib. İlk avrokubok qarşılaşmasına isə 2018/19 mövsümündə çıxıb. Elə iyulun 19-da keçirilən “Apollon” (Cənubi Kipr) – “Stumbras” (Litva) görüşündə əsas söz sahibi olub. Hamiti ilk dəfə Azərbaycan klubunun oyununu idarə edəcək. Lakin albaniyalı U-17 millimizin iki görüşündə ədaləti qoruyub. Həmin qarşılaşmalarda yığmamız Bosniya və Hersoqovinaya 0:1 hesabıyla məğlub olubsa, Lixtenşteyni darmadağın edib – 8:0.