MHL klublarından “Sent-Luis”in qapıçısı Tomas Qrayss 37 yaşında peşəkar karyerasını bitirdiyini elan edib:
“Karyeramı davam etdirmək variantları ilə bağlı bəzi düşüncələrim var idi. Bəzi təklifləri gözdən keçirdim, ancaq qətiyyən xoşuma gəlmədi. İndi isə səbirsizliklə həyatda yeni hansısa işlə məşğul olmaq imkanını gözləyirəm. Artıq hansısa yeni vəzifələrin həlli ilə məşğul ola bilərəm. İdman planında “Aylenders”dəki karyeram daha yaxşı alındı. Ancaq ümumilikdə olduğum hər yerdə yaxşı məqamlarla üzləşdim”.
"Football-plus.az" xəbər verir ki, “San-Xose”, “Pittsburq”, “Aylenders”, “Detroyt” və “Sent-Luis” kimi komandaların şərəfini qoruyan almaniyalı qapıçı MHL-də ümumilikdə 14 mövsüm keçirib. 2019-cu ildə Uilyam Cenninqsin adını daşıyan mükafatın sahibi olub. MHL-də 368 oyun keçirən Qrayss bunların 162-də qələbə qazanıb.