KONKAKAF-ın Qızıl Kubokunun 1/4 final mərhələsi qalmaqalla başa çatıb.


“Football-plus.az” xəbər verir ki, bu mərhələnin ABŞ və Kanada komandaları arasında keçirilən sonuncu oyunundan sonra arzuolunmaz hadisə baş verib.

Xatırladaq ki, prinsipial xarakter daşıyan və ABŞ-nin Sinsinnati şəhərində baş tutan matçın əsas və əlavə vaxtında qalib müəyyənləşməmiş (2:2), ev sahibləri penalti seriyasında 3:2 hesabı ilə qalib gəlmişdilər. “Marca” qəzetinin məlumatına görə, dramatik keçən oyun başa çatdıqdan sonra hər iki komandanın futbolçuları “TQL stedium”un tribunasının altında kütləvi şəkildə dava ediblər. Davaya səbəb ABŞ millisinin oyunçularının rəqiblərinə lağ etmələri olub. Futbolçuları hüquq-mühafizə orqanlarının əməkdaşları və komandaların məşqçiləri ayırmalı olublar.

Hələlik insidentin səbəbkarlarına qarşı hansı sanksiyaların tətbiq olunacağı haqda məlumat verilmir.