PSJ-də 3 transfer əməliyyatı reallaşıb.

"Football-plus.az" xəbər verir ki, Paris klubu heyətinə yeni oyunçular cəlb edib.

“Sportinq”in yarımmüdafiəçisi Manuel Uqartenin PSJ-yə keçidi rəsmiləşib. Uruqvay millisinin üzvü ilə 5 illik müqavilə imzalanıb. Fransa mətbuatı Paris klubunun bu transfer üçün “Sportinq”ə 60 milyon avro ödədiyini yazıb. Uqarte ötən mövsüm lissabonluların heyətində bütün turnirlərdə 47 oyun keçirib.

“İnter”dən azad agent kimi ayrılan slovakiyalı müdafiəçi Milan Şkrinyar da rəsmən PSJ-nin oyunçusu olub. Fransa klubunun saytının məlumatında tərəflərin 5 illik müqavilə bağladığı bildirilir. Şkrinyar “İnter”də 2017-ci ildən oynayırdı. “Real”ın sabiq oyunçusu Marko Asensio da karyerasını PSJ-də davam etdirəcək. Paris klubunun saytının məlumatına görə, 27 yaşlı yarımmüdafiəçi ilə müddəti 2026-cı ilin yayınadək nəzərdə tutulan müqavilə imzalanıb. Qeyd edək ki, Marko 2016-cı ildən çıxış etdiyi və sıralarında 17 kubok qazandığı “Real”dan ötən ay azad agent kimi ayrılıb.