Gürcüstanla Rumıniyanın şərikli qəbul etdiyi futbol üzrə U-21-lər arasında Avropa çempionatının final mərhələsi başa çatmaq üzrədi.

“Football-plus.az” xəbər verir ki, son iki 1/4 final oyununda Ukrayna Fransanı (3:1), İngiltərə isə Portuqaliyanı (1:0) məğlub edib. Yarımfinal oyunları sabah keçiriləcək: İsrail – İngiltərə, İspaniya – Ukrayna.

Təəssüf ki, həmyerlimiz Əliyar Ağayev yarımfinal oyunlarına təyinat almayıb. Bizdə olan bilgiyə görə, onun iyunun 28-də C qrupu çərçivəsində Batumidə keçirilən, 9587 azarkeşin izlədiyi İngiltərə - Almaniya (2:0) oyunundakı idarəçiliyi UEFA-nın uyğun qurumunun xoşuna gəlməyib.

Gənc almanlar oyunu ümumilikdə aşağı səviyyədə keçirsələr də, Ağayev epizodların birində onların haqlı penalti tələbinə məhəl qoymayıb. Bundan başqa, referi daha bir epizodda meydanda alman futbolçu ilə toqquşub.

ORXAN