Luis Felipe Skolari karyerasını bərpa edib.

"Football-plus.az" xəbər verir ki, dünya şöhrətli braziliyalı mütəxəssis “Atletiko Mineyro”nun baş məşqçisi təyin edilib.

Tərəflər arasında imzalanan müqavilənin müddəti 2024-cü ilin sonuna qədər nəzərdə tutulub. Skolarinin sonuncu iş yeri 2022-ci ildə çalışdırdığı “Atletiko Paranaense” olmuşdu. 74 yaşlı mütəxəssis bu klubdan ayrıldıqdan sonra, noyabrda karyerasını başa vurduğunu bəyan etmişdi. Lakin “Atletiko Mineyro”nun təklifi onu fikrini dəyişməyə vadar edib.

Skolari yeni komandasında qeyri-qənaətbəxş nəticələrə görə istefaya göndərilən argentinalı Eduardo Kudetin yerini tutub.