Həyasızlığın rus zirvəsi! – ÖZƏL CAVAB
Ötən ilin fevralında Ukrayna ərazisini işğal planını gerçəkləşdirməyə başlayan, hədəfinə çata bilməyən, mədəni dünyada, eləcə də idman aləmində “yoluq cücə”yə bənzəyən Rusiyanın idmanına rəhbərlik edənlər irəlidə daha sərt cəzalarla üzləşə biləcəklərini anlayırlar.
"Football-plus.az" xəbər verir ki, söhbət ilk növbədə gələnilki Paris Olimpiadasına buraxılmamaqdan gedir. Rusiyanın aparıcı idman nəşri “Sport-Ekspress” hadisələri qabaqlayaraq “BOK-un siyasi pasyansı” adlı yazı dərc edib.
Rusiyadan başqa daha hansı ölkələrin indiyə qədər Olimpiadaya buraxılmamaqla bağlı problem yaşadığını araşdırmağa çalışan müəllif Dmitri Kuznetsov yazının bir yerində lap “gül vurur”:
“Müxtəlif tanınma dərəcəsinə malik olan postsovet respublikaları – Abxaziya, Cənubi Osetiya, Dnestryanı, Dağlıq Qarabağ. İlk üçünün olimpiya komitəsi, sonuncunun Ermənistan Olimpiya Komitəsində təmsilçisi var. Ancaq Azərbaycan tərəfinin hazırda blokada tətbiq etdiyini nəzərə alsaq, Dağlıq Qarabağ Respublikasının (dırnaq qoymayıblar – O.) təmsilçilərinin Ermənistana yollanması və onun adından Olimpiadada çıxış etməsi nəzəri cəhətdən də mümkün deyil. Onlar Azərbaycan adından da getməyəcəklər”.
Əvvəlcə bu Dimanın qulağından dartıb demək lazımdı ki, ay şərəfsiz, postsovet məkanındakı bütün münaqişələrin yaradıcısı, səbəbkarı, memarı Rusiya deyilmi? İkincisi, sənin Rusiyanın, bütün dünya ölkələrinin tanıdığı ərazimə daxil olan yerdə istərəm blok-post qoyaram, istərəm taxıl zəmisi əkərəm, istərəm futbol meydançası salaram – bundan sənə nə? Məgər dünya sizin 17 milyon 100 min kvadrat kilometr ərazidə etdklərinizə qarışır?
Bu başqa məsələ ki, bütün şər əməllərdən sonra həmin gen-geniş ərazidə daha əvvəlki kimi rahat yaşaya bilməyəcəksiz.
ORXAN
Digər xəbərlər
