"Qarabağ" Portuqaliya "Çaves"indən Olavia Viera dos Santos Juniorun transferini rəsmiləşdirib.

"Football-plus.az" xəbər verir ki, bu haqda klubun mətbuat xidməti məlumat yayıb.

26 yaşlı braziliyalı hücumçu ilə 3 illik müqavilə imzalanıb. Juninyo Ağdam təmsilçisində 18 nömrəli formada çıxış edəcək.

Qeyd edək ki, Juninyo Braziliyada "Atletiko PR" klubunun yetirməsidir. O, "Atkletiko" ilə yanaşı müxtəlif illərdə ölkəsində "Brazil", "Novurizontino", "Fiqeyrense", "Vila Nova" komandalarında da oynayıb. 2020-ci ilin oktyabrında Portuqaliya yüksək liqa təmsilçisi "Şaviş"ə keçib. Ötən mövsüm o, əsas heyət üzvü olduğu"Şaviş"lə Premyer Liqada 30 oyunda meydana çıxıb, 4 qol vurub. Onun "Çaves" ilə müqaviləsi 2024-cü ilə qədər idi. "Qarabağ" bu transfer üçün qarşı tərəfə təzminat ödəyəcək.

Qeyd edək ki, bu, “Qarabağ”ın 2-ci yay transferidi. Klub daha əvvəl “Zirə”dən fransalı vinger Hamidu Keytanı transfer edib.