Premyer-liqanın bəzi klubları kimi, “Sumqayıt” da mövsümlərarası fasilədə forma təminatçısını dəyişməyi planlaşdırır. Əldə etdiyimiz məlumata görə, “kimyaçılar” “Jako”dan imtina etməyi düşünür. Xatırladaq ki, “gənclik şəhəri”nin təmsilçisinin əsas komandası ilə yanaşı, akademiyasının fəqli yaş qrupları da 3 il idi Almaniya şirkətinin istehsal etdiyi idman dəstlərindən yararlanırdı.

Klubun mətbuat mətbuat katibi Rəşad Məmmədov “Football-plus.az”a açıqlamasında söylənilənləri qismən təsdiqlədi:

Emil Babayevin gedişindən sonra “Sumqayıt”ın qapıçılar üzrə məşqçi axtarışında olduğunu xəbər vermişdik. Onu da bildirmişdik ki, “kimyaçılar” hazırda U-16-da eyni vəzifəni icra edən Etibar Tarıverdiyevə təklif göndərsə də, maliyyə məsələsində ortaq məxrəcə gəlmək mümkün olmayıb. Kluba yaxın mənbədən əldə etdiyimiz informasiyaya görə, “gənclik şəhəri”nin təmsilçisi artıq yeni mütəxəssislə razılaşıb. Ötən mövsüm “Şamaxı”da qapıçılar üzrə məşqçi kimi çalışan Anar Niftəliyev Samir Abasovun məşqçilər korpusunda yer alacaq. Onunla müqavilənin müddəti bir ildi.

Yeri gəlmişkən, "Neftçi"nin yollarını ayırdığı Sezar Meza Kolli yeni mövsümə “Sumqayıt”da başlaya bilər. Samir Abasov “ağ-qaralar”ı çalışdırdığı dönəmdə paraqvaylıya çox güvənirdi. Bu dəfə Abasov 31 yaşlı futbolçunu “gənclik şəhəri”nin təmsilçisində görmək istəyir. Kluba yaxın mənbədən ötürülən bilgiyə əsasən, futbolçunun agenti Kamil Məmmədov 3 gün əvvəl “Sumqayıt”ın ofisinə baş çəkərək klub prezidenti Riad Rəfiyevlə görüşüb. Kuluarlarda gəzən söz-söhbətə inansaq, paraqvaylı yarımmüdafiəçinin xidmətində maraqlı olan klublardan biri də “Səbail”di. Müəyyən fasilərlə 2013-cü ildən Azərbaycanda çıxış edən Sezar Meza Kolli karyerası ərzində “Çezena”, “Alaves”, “Pavia”, “Zirə”, “Universitatya Krayova”, “İnter” (indiki “Şamaxı”) klublarının formasını geyib.

RƏŞAD