İtaliyanın sabiq baş naziri Silvio Berluskoni vəfat edib. O, 87 yaşında dünyasını dəyişib.

“Football-plus.az” xəbər verir ki, məşhur siyasətçi apreldə xroniki leykemiya ilə əlaqəli ağciyər infeksiyasına görə xəstəxanaya yerləşdirilmişdi. O, 45 gün müalicə olunsa da, xəstəliyin əlamətləri yenidən büruzə verdiyi üçün cümə günü növbəti dəfə klinikaya gətirilmişdi. Son günlər “Montsa”nın prezidentinin ürək-damar sistemində və tənəffüsü ilə bağlı ciddi problemlər ortaya çıxmışdı.

Xatırladaq ki, Berluskoni 1986-2017-ci illərdə “Milan”ın prezidenti olub. Komanda onun 31 illik prezidentliyi dövründə 29 titul qazanıb. “Montsa”, “Milan”, “Real”, Madrid klubunun baş məşqçisi Karlo Ançelotti və İtaliya Futbol Federasiyasının prezidenti Qabriele Qravina onun ailəsinə başsağlığı verib.