''Prezident məni yaxın münasibət üçün transfer etmişdi''
Karyerasıboyu Türkiyə və Rusiya da daxil olmaqla bir çox ölkələrin klublarında çıxış edən qadın basketbolçu Militsa Daboviç vətəni Serbiya mətbuatına diqqətçəkən açıqlamalar verib.
"Football-plus.az" xəbər verir ki, hazırda 41 yaşı olan Daboviç 2009-da ''Beşiktaş''dan Yunanıstan təmsilçisi ''Palayo Faliro''ya transfer olduğu dönəmdən danışaraq bunları deyib:
''Yunanıstanda mənə aylıq 20 min avro ödəyirdilər və bu, çox böyük pullar idi. Sonra həmin klubun prezidenti mənə bir gecəlik münasibət təklif etdi. Sonradan məni yalnız buna görə transfer etdiyini öyrəndim. Bu təklifini qəbul etmədiyim üçün sonrakı 3 ay maaşımı ödəmədilər. Axırda da müqaviləmi ləğv etdilər. Ayaqlarımı pul qarşılığında aralamadım və bununla qürur duyuram. Vicdanım rahatdı''.
